1919

ტიპი: ღონისძიება

1919 წლის 23 აგვისტოს, 12 საათზე, სწრაფი მატარებლით თბილისიდან ერევანში გაემგზავრნენ ამერიკის მისიის წევრები პოლკოვნიკ უილიამ ჰასკელის მეთაურობით. სადგურ კობამდე ისინი გზათა სამინისტროს დეპარტამენტის დირექტორმა ბ. ა. ჭიჭინაძემ და მოძრაობის უფროსმა გ. ა. აბელოვმა გააცილეს.

1919

ტიპი: ღონისძიება

1919 წლის აგვისტოში თბილისის სახელმწიფო უნივერსიტეტში აკაკი შანიძემ არაბული ენის ლექციების კითხვა განაახლა.

1919

ტიპი: ღონისძიება

1919 წლის 20 აგვისტოს, 10 საათზე, პოლკოვნიკი უილიამ ჰასკელი ოფიციალური ვიზიტით ეწვია ევგენი გეგეჭკორს. ვიზიტის შემდეგ სტუმარმა სასახლე დაათვალიერა და კმაყოფილი დარჩა.

1919

ტიპი: ავტორობა

1919 წლის 19 აგვისტოს გაზეთ „საქართველოს რესპუბლიკის“ ცნობით, შინაგან საქმეთა მინისტრ ნოე ბესარიონის ძე რამიშვილის განკარგულებით, ყალბი ცნობების გავრცელების გამო გაზეთ „კავკაზსკოე სლოვოს“ გამოცემა შეჩერდა.

1919

ტიპი: გარდაცვალება

1919 წლის 21 აგვისტოს გაზეთ „საქართველოს რესპუბლიკის“ ცნობით, სახალხო გვარდიის ყარაულებმა მოკლეს გრ. ჩხეიძე.

1919

ტიპი: ავტორობა

1919 წლის 22 აგვისტოს გაზეთ „საქართველოს რესპუბლიკის“ ცნობით, მთავრობის სხდომაზე შრომის მინისტრმა ნოე გიორგის ძე ხომერიკმა მოხსენება წაიკითხა მუშათა მდგომარეობის გაუმჯობესების შესახებ.

1919

ტიპი: ავტორობა

1919 წლის 22 აგვისტოს გაზეთ „საქართველოს რესპუბლიკის“ ცნობით, მთავრობის სხდომაზე გზათა დეპარტამენტის დირექტორმა ბ. ა. ჭიჭინაძემ მუშათა მდგომარეობის გაუმჯობესების შესახებ მოხსენება წაიკითხა.

1919

ტიპი: ავტორობა

1919 წლის 16 აგვისტოს გაზეთ „საქართველოს რესპუბლიკის“ ცნობით, გაზეთ „გრუზიაში“ სისტემატურად დაბეჭდილი შუღლის გამაღვივებელი სტატიების გამო შინაგან საქმეთა მინისტრის ამხანაგმა ნიკოლოზ ჭიჭინაძემ გაზეთის და სტამბის დახურვის გადაწყვეტილება მიიღო.

1919

ტიპი: ნასამართლეობა

1919 წლის 19 აგვისტოს გაზეთ „საქართველოს რესპუბლიკის“ ცნობით, სისხლის სამართლის მილიციამ სასტუმრო „ნოეში“ დააპატიმრა ცნობილი ქურდი ვლადიმერ გონჩაროვი. ის მოათავსეს თბილისის ციხეში.

1919

ტიპი: სახელი

ქურდ ვლადიმერ გონჩაროვის ზედმეტსახელი იყო „ვალოდკა ციგანი“.

1918

ტიპი: ავტორობა

1918 წლის 31 მაისის გაზეთ „საქართველოს“ ცნობით, ინგუშთა ეროვნული საბჭოს თავმჯდომარე ზაბალიევმა მთავრობას დეპეშით შეატყობინა, რომ ინგუშთა ეროვნული საბჭო ყველა ზომებს იღებდა საქართველოს სამხედრო გზით მიმავალ ლტოლვილთა გასაშვებად. საბჭო სთხოვდა მთავრობას, რომ აღარ გაეგზავნათ იქ ლტოლვილები, რადგან მათ გადაყვანას ვეღარ უზრუნველყოფდნენ.

1918

ტიპი: გარდაცვალება

1918 წლის მაისში კოსტინი, ქართული მსროლელთა დივიზიის უფროსი, ლანჩხუთის საველე ტელეგრაფის ოთახში მოკლეს. მკვლელი დაიჭირეს.

1919

ტიპი: ავტორობა

1919 წლის 9 სექტემბრის გაზეთ „საქართველოს რესპუბლიკის“ ცნობით, შინაგან საქმეთა სამინისტრომ ახალქალაქის მაზრაში მილიციის განყოფილება დააარსა. ხარჯებისა და შტატების შესახებ დეკრეტის შედგენა დამფუძნებელ კრებაში წარსადგენად შინაგან საქმეთა მინისტრ ნოე ბესარიონის ძე რამიშვილს დაევალა.

1918

ტიპი: ავტორობა

1918 წლის 1-ელი ივნისის გაზეთ „საქართველოს“ ცნობით, აღმასრულებელი კომიტეტის სხდომაზე სახალხო გვარდიის უფროსმა ვალიკო ჯუღელმა სოხუმში განვითარებულ მოვლენებთან დაკავშირებით მოხსენება წაიკითხა. მისი თქმით, ქართულ მხარეს და იმ ბოლშევიკებს შორის, რომლებიც აფხაზეთიდან ცდილობდნენ ამიერკავკასიაში შემოსვლას, მოხდა შეტაკება და ქართულმა მხარემ მოწინააღმდეგე დაამარცხა.

1918

ტიპი: ღონისძიება

1918 წლის მაისში აზერბაიჯანის მთავრობის მეთაური ფათალი ხან ხოისკი ამიერკავკასიის სათათრეთის სახელით საქართველოს დამოუკიდებლობას მიესალმა.

ტიპი: ღონისძიება

დღის პირველ საათზე საქართველოს კათალიკოს პატრიარქმა კირიონ II-მ, თბილელი მიტროპოლიტი ლეონიდეს, ურბნელი დავითის და თბილელი სამღვდელოების თანამწირველობით, სამადლობელი პარაკლისი გადაიხადა სიონის ტაძარში საქართველოს დამოუკიდებლობის გამო.

1918

ტიპი: ღონისძიება

1918 წელს საქართველოს მთავრობის პირველ სხდომაზე მიიღეს გადაწყვეტილება, საქართველოს ეროვნული ბანკის დაარსების საკითხი საემისიო უფლებებით გადასცემოდა ეროვნული საბჭოს საფინანსო კომისიას, რომელშიც მთავრობიდან შევიდნენ ფინანსთა მინისტრი გიორგი ჟურული და კონსტანტინე კანდელაკი.

1933

ტიპი: ნასამართლეობა

პარტიის რიგებიდან გამორიცხეს ყოფილი ვაჭრის ცოლი ნატალია ბიბილაური და ივანე დოლიაშვილი (1925 წელს ქურდობისათვის მისჯილი ჰქონდა თავისუფლების აღკვეთა), რომლებიც კინკლაობდნენ და ინტრიგებს ხლართავდნენ.

1933

ტიპი: ორგანიზაცია

1933 წლის 4 იანვრის გაზეთ „კომუნისტის“ ცნობით, საქართველოს კომუნისტური პარტიის (ბ) სტალინის რაიკომმა გამოიკვლია სოფელ დირბის პარტუჯრედის და საბჭოს მუშაობა და დაადგინა, დაეშალათ აღნიშნული ბიურო, გაერიცხათ პარტიიდან უჯრედის მდივანი ერაძე, კულაკებისადმი შემრიგებლური დამოკიდებულებისთვის. ასევე, სამუშაოდან მოხსნეს სასოფლო საბჭოს თავმჯდომარე ბაქრაძე.

1919

ტიპი: ღონისძიება

1919 წლის აგვისტოში პუშკინის ქუჩაზე ხაჩატურ ქოჩარიანს ამერიკის მისიის ავტომობილი დაეჯახა. ის მძიმედ დაშავდა.

1919

ტიპი: ღონისძიება

1919 წლის აგვისტოში ბათუმიდან თბილისში მეუღლესთან ერთად ჩამოსული ამერიკელი პოლკოვნიკი უილიამ ჰასკელი ამერიკელთა სამხედრო ბინაში დაბინავდა.

1919

ტიპი: თანამდებობა

1919 წელს პარიზის კონფერენციაზე სომხეთის უმაღლეს კომისრად პოლკოვნიკი უილიამ ჰასკელი დაინიშნა.

1919

ტიპი: ავტორობა

1919 წლის 16 აგვისტოს გაზეთ „საქართველოს რესპუბლიკის“ ცნობით, ფინანსთა მინისტრის, კონსტანტინე პლატონის ძე კანდელაკის განკარგულებით, 15 აგვისტოდან რესპუბლიკაში რუსული საგერბო მარკების ხმარება აიკრძალა. გამოიყენებოდა ახლად დამზადებული ქართული მარკები.

1919

ტიპი: ღონისძიება

1919 წლის აგვისტოში გამართულ ჯავშნიანი მატარებლის რაზმის გაერთიანებულ კრებაზე სიტყვით გამოვიდა რაზმის მეთაური ვალოდია გოგუაძე. რაზმმა მხარდაჭერა გამოუცხადა დამფუძნებელ კრებასა და მთავრობას.

1919

ტიპი: ავტორობა

1919 წლის 16 აგვისტოს გაზეთ „საქართველოს რესპუბლიკის“ ცნობით, ჟუკოვისკის ქუჩაზე მცხოვრებმა მიხეილ ზაალიშვილმა მილიციას მისი ბინიდან 20 000 მანეთის ოქრო-ვერცხლის მოპარვის თაობაზე განუცხადა.