1920

ტიპი: თანამდებობა

1920 წლის 10 აგვისტოს „ერთობა“ იუწყება, რომ საქართველოს რესპუბლიკის წარმომადგენლად პოლონეთში დაინიშნა ნაფიცი ვექილი სიდამონ-ერისთავი, პირველ მრჩევლად კი – ვლადიმერ ბაქრაძე.

1918

ტიპი: თანამდებობა

1918 წელს ნიკოლოზ ჩიმაკაძე იყო საქართველოს განათლების სამინისტროს ბუღალტერის თანაშემწე.

1918

ტიპი: თანამდებობა

1918 წელს სერგეი აზარაპეტოვი საქართველოს განათლების სამინისტროში ბუღალტრის თანამდებობას იკავებდა.

1918

ტიპი: თანამდებობა

1918 წელს დავით ჯორჯაძე საქართველოს განათლების სამინისტროში ხუროთმოძღვრის თანამდებობას იკავებდა.

1920

ტიპი: ავტორობა

1920 წლის 10 აგვისტოს „ერთობაში“ დაბეჭდილია განცხადება, რომ მექარხნე დავით კალანდაძის კანტორა (ვაგზლის ქ.N5) ყიდულობს მინის ჭურჭელს კონიაკისა და არყისთვის.

1918

ტიპი: თანამდებობა

1918 წელს ალექსი ბურჭულაძე საქართველოს განათლების სამინისტროში საქმისმწარმოებლის თანაშემწის თანამდებობას იკავებდა.

1920

ტიპი: ღონისძიება

„ერთობაში“ დაბეჭდილი ნიკო გურულის ინფორმაციით, რკინიგზის მუშებისგან შედგენილმა მომღერალთა გუნდმა ბ. შარაბიძის ლოტბარობით 1920 წლის 13 ივლისს ხაშურის მუშათა კლუბში გამართა კონცერტი, რომელსაც დიდძალი ხალხი დაესწრო.

1920

ტიპი: ღონისძიება

1920 წლის 13 ივლისს ხაშურის მუშათა კლუბში გ. ხუნდაძე მოხსენებით გამოვიდა საბჭოთა რუსეთის შესახებ.

1920

ტიპი: ავტორობა

1920 წლის 31 ივლისის „ერთობაში“ დაიბეჭდა ვიქტორ ნოზაძის წერილი ლონდონიდან „ბრიტანეთის მუშათა პარტიის წლიური კონფერენცია“ (ომისა და ზავის საკითხი).

1920

ტიპი: ღონისძიება

„ერთობა“ იუწყება, რომ 1920 წლის 28 ივლისს ფინანსთა მინისტრის მოადგილის, ს. ავალიანის თავმჯდომარეობით გაიმართა ფინანსთა მინისტრის საბჭოს სხდომა. საბჭომ მიიღო „კავკასიის სასოფლო-სამეურნეო სამრეწველო“ სააქციონერო საზოგადოების წესდება. საზოგადოების მიზანია, მცხოვრებთ იარაღები მიაწოდოს მიწის დასამუშავებლად.

1920

1920 წლის 11 ივლისის „ერთობაში“ საქართველოს სოც.-დემოკრატიული მუშათა პარტიის ცენტრ. კომიტეტი იუწყება ძველი პარტ. მუშაკის, დამფუძნ. წევრის, ლავროსი კიღურაძის უდროოდ გარდაცვალებას.

1919

ტიპი: ღონისძიება

1919 წლის 29 მაისის „ერთობა“ იუწყება, რომ ფინანსთა და ვაჭრობა-მრეწველობის მინისტრს ეწვია საქართველოს კოოპერატივთა ყრილობის თავმჯდომარე სვიმონ მაჭავარიანი, რომელიც ესაუბრა კოოპერატიული ბანკის დაარსების აუცილებლობაზე.

1952

ტიპი: ღონისძიება

1952 წლის 11 ივნისს გამართული საზოგადო კრების თავმჯდომარე გიორგი მაღალაშვილი იყო. გამგეობის წევრებად აირჩიეს: გიორგი ვეფხვაძე, გრიგოლ ავალიანი, რომან ფარზინი და ივანე ანდრონიკაშვილი. ილია კუჭუხიძემ გამგეობაში ყოფნაზე უარი თქვა.

1920

ტიპი: თანამდებობა

თბილისის მაზრის ერობის გამგეობასა და იმავე მაზრის მილიციის უფროს გ. ლ. ახვლედიანს შორის სამსახურებრივ ნიადაგზე უთანხმოება მოხდა. ახვლედიანმა შეიტანა თანამდებობიდან განთავისუფლების თხოვნა, რომელიც დააკმაყოფილეს.

1919

ტიპი: ღონისძიება

„ვოლნი გორეცი“ ეხმიანება ჩრდილოკავკასიელ მთიელთა (დაღესტნელთა, ჩეჩენთა, ჩერქეზთა, ინგუშთა) თავგანწირულ ბრძოლას თავისუფლებისათვის და გმობს „დობროარმიის“ სასტიკ ქმედებებს. გაზეთი მე-20 საუკუნის სისხლიან ივანე კალიტად მოიხსენიებს დენიკინს, ხოლო მის მომხრეებს – რომანოვთა ლაქიებად.

1920

ტიპი: თანამდებობა

1920 წელს დუშეთის ერობის თავმჯდომარე იყო ჭანიშვილი.

1920

ტიპი: ღონისძიება

1920 წლის 8 სექტემბრის „ერთობის“  ცნობით ნიკო ტრაპაიძემ შუა სურების სამკითხველოს წლის ბოლომდე გამოუწერა ჟურნალი „სოფლის მუშა“.

1920

ტიპი: ავტორობა

1920 წლის 8 სექტემბრის გაზეთში „ერთობა“ დაიბეჭდა ბაქოში საქართველოს წარმომადგენელის განცხადება ახალციხის გამგეობის საყურადღებოდ, რომ მოქალაქეები ილია ხარეიშვილი (იგივე ხარამ დავიდაშვილი) და იოსებ აბრამის ძე ნოდიაშვილი ბაქოში არ იმყოფებოდნენ. კონსტანტინე ტერ-აბრამოვი კი დაპატიმრებული არ ყოფილა.

1918

ტიპი: სტატუსი

1918 წლის 1-ლ დეკემბერს ექიმმა ვახტანგ მუსხელიშვილმა პაციენტების მიღების საათებზე (12-2 სთ.) განცხადება გააკეთა.

1918

ტიპი: ავტორობა

1918 წლის 1-ლ დეკემბერს ექიმმა შალვა ანტონის ძე მიქელაძემ შინაგან დაავადებათა მქონე პაციენტების მიღების (6-დან 7 საათამდე) შესახებ განცხადება გააკეთა.

1920

ტიპი: ავტორობა

1920 წლის 8 სექტემბრის „ერთობა“ ბეჭდავს ბაქოში საქართველოს წარმომადგენლის ინფორმაციას აზერბაიჯანში მყოფი სააქართველოს მოქალაქეების შესახებ: სოლომონ და დავით ჯიჯავაძეები კარგად არიან და პირველი შესაძლებლობისთანავე თბილისში გაემგზავრებიან; სერაფიმე ვასილის ძე ბაკურია ბაილოვის ციხეში ზის. მას ბრალდება სამი ბოლშევიკის მოკვლა და 10 წლის იძულებითი მუშაობა აქვს მისჯილი.

1918

ტიპი: ღონისძიება

1918 წლის პირველი დეკემბრის გაზეთ „სახალხო საქმეში“ ექიმმა კონსტანტინე ტყეშელაშვილმა გამოაქვეყნა განცხადება, რომ განაახლა ავადმყოფების მიღება ყოველდღე, საღამოს 6-დან 8 საათამდე.

1920

ტიპი: ღონისძიება

„ერთობა“ იუწყება, რომ ამიერკავკასიაში მყოფი საფრანგეთის უმაღლ. კომისარი გრაფი დე-მარტელი 1920 წლის 10 სექტემბერს თბილისიდან პარიზს გაემგზავრება, მასთან ერთად – მაიორი პეშკოვი. გრაფმა დეპეშათა სააგენტოსთან საუბარში აღნიშნა, რომ საქართველოს მომავალი უზრუნველყოფილია. ორი წლის დამოუკიდებელი არსებობით ქართველმა ხალხმა გამოიჩინა პოლიტიკური ტაქტი და ცხოვრების მოწყობის უნარი, რომ ის საქართველოს იურიდულად აღიარების დამცველი იქნება პარიზში.

1920

ტიპი: თანამდებობა

1920 წელს ზესტაფონის ერობის თავმჯდომარე იყო ბუაჩიძე.

1920

ტიპი: პირადი ინფორმაცია

1920 წლის 8 სექტემბრის „ერთობის“ ცნობით, საქართველოს საგარეო საქმეთა სამინისტროს ბაქოში თავისი წარმომადგენელი იქ მცხოვრები საქართველოს მოქალაქეების შესახებ შემდეგ ინფორმაციას აწვდის: პეტრე პავლეს ძე ანდრეევსკი ფოსტა-ტელეგრაფის სამმართველოში მუშაობს; ვიქტორ ალექსის ძე შალიბაშვილი დაპატიმრებულა იყო განჯაში, (მისი განთავისუფლების შესახებ აღძრული იყო შუამდგომლობა); მიხეილ ხარანოვი განთავისუფლებულია და თბილისში მალე გამოემგზავრებოდა.