1920

ტიპი: ღონისძიება

„ერთობა“ იუწყება,რომ ზუბალაშვილების სახ. სახლთან არს. ქართული წარმოდგენების მმართველი წრე 1920 წლის 19 სექტემბერს სეზონს გახსნის „ღალატით“. რეჟისორად მიწვეულია კ. შათირიშვილი.

1918

ტიპი: ავტორობა

13 ნოემბერს ხონში გამართულ საერთო კრებაზე ზოსიმე ჩახვაძემ წაიკითხა რეფერატი „პროლეტარიატი და სოც.დემოკრატი". მის ოპონენტად გამოვიდა სოციალ-ფედერალისტ მოწაფეთა წარმომადგენელი გ. ხოფერია, რომელმაც აღნიშნა რეფერატის უშინაარსობა და დისკუსია გამართა დამსწრე საზოგადოებასთან. მან დიდი მოწონება დაიმსახურა. მეორე დღეს ხოფერიამ თეატრის დარბაზში წაიკითხა საჯარო რეფერატი „აგრარული პრობლემა", რომელიც ძალიან საინტერესო აღმოჩნდა დამსსწრე საზოგადოებისთვის.

1920

ტიპი: ღონისძიება

1920 წლის 8 სექტემბერს, 6 სთ-ზე ფინანსთა სამინისტროში გაიმართება საგანგებო სხდომა რუსეთსა და საქართველოს შორის დასადები ხელშეკრულების პროექტის შესახებ. ამ პროექტით უნდა იხელმძღვანელოს გერასიმე თომას ძე მახარაძის ეკონომიკურმა მისიამ, რომელიც რუსეთში მიემგზავრება, იუწყება „ერთობა“.

1920

ტიპი: თანამდებობა

1920 წლის 8 სექტემბრის „ერთობა“ იუწყება, რომ ქუთაისისა და მისი გუბერნიის საკრედიტო დაწესებულებებში მოსამსახურეთა პროფ. კავშირის საბუღალტერო კურსების გამგედ მირიან თეიმურაზის ძე ბასილია მიიწვიეს.

1920

ტიპი: ავტორობა

1920 წლის 12ნსექტემბერს გაზეთ „ერთობაში“ დაიბეჭდა ცენტრობანკის გამგეობის განცხადება, რომ 12-15 სექტემბერს ბანკის მმართველი პეტრე სურგულაძე და დირექტორი ა. გრიგოლია ბანკის განყოფილების დასაარსებლად კონსტანტინეპოლს მიემგზავრებოდნენ.

1918

ტიპი: განათლება

ტბილისის სასულიერო სემინარიის მეთვალყურე გადმოგვცემს ინფორმაციას,რომ 1914 წლის საშობაო არდადეგების დროს,სემინარია დაიკავეს რუსმა ჯარისკაცებმა.შედეგ 10 ივლისიდან გერმანელმა ჯარისკაცებმა,მთელი 4 წლის განმავლობაში სემინარიის მოსწავლეებს არ ქონდათ შსაძლებლობა მიეღოთ სრულფასოვანი განათლება.გლეხების შვილები დარჩნენ უპატონოდ.მიუხედავად სემინარიის მმართველების მოთხოვნისა,რომ სემინარიას დაბრუნებოდა პირვანდელი სახე,სემინარია დაიხურა,

1918

ტიპი: ღონისძიება

სოც.ფედერალისტთა პარტიის წვერი არყალელი გადმოგვცემს ინფორმაციას თუ როგორ არასამართლიანად ჩატარდა არჩევნები დუშეთში.

1918

ტიპი: ავტორობა

1918 წლის 1-ელი დეკემბრის გაზეთ „სახალხო საქმის“ ცნობით, ვახტანგ კოტეტიშვილი ქართულ საზოგადოებასა და საქართველოს არაკეთილმოსურნეებს ატყობინებს, რომ ქართველი ერი იხდის თავისუფლების აღლუმს, რომ მას თავისუფლება სწადია და ამის აღსანიშნავია წითელი პარადი.

1918

ტიპი: ავტორობა

1918 წლის 1-ლი დეკემბრის გაზეთ „სახალხო საქმეში“ დავით კაკაბაძე ეხმაურება „საქართველოს ღერბის" კონკურსს. ის თვლის, რომ კონკურსის უმთავრესი პირობები − ქართული სტილის დაცვა, ჰერალდიური წესები − არ იყო შესრულებული და გერბი არ შეუფასებიათ ამ საკითხში გამოცდილ ადამიანებს. მთავრობა კი აცხადებდა, რომ კონკურსი შედგა.

1920

ტიპი: ავტორობა

„ერთობაში“ გამოქვეყნებულ წერილში, ბატალიონის უფროს გ. ედიშერაშვილის ხელმოწერით, ნათქვამია, რომ 1920 წლის 1-8-9 ივნისს სოფ. ჯავაში ტყვედ ჩავარდნილები მადლობას უხდიან ვლადიკავკაზელ ქართველებს და ეროვნულ საბჭოს დახმარებისთვის, კერძოდ, საქართველოს რესპ. კონსულის დროებით მოადგილე მღ. ნათაძეს, ეროვნული საბჭოს წევრებს – ალექსანდრე ავსაჯანოვს, მოქ. ბურდულს, დათიკო ჯავახიშვილს, ზალიკა მჭედლიშვილს, ალექსანდრე მაისურაძეს, მოქალაქეებს ფაციაშვილსა და ლაფაჩს, აგრეთვე საქართველოს, რომელმაც დარიალის ხეობაში თავისი წარმომადგენლები – აბესაძე და ლეიტენანტი ქუთათელაძე გაუგზავნა, და ფერშლებს – სოფიო კაჩაურსა და ცხაკაიას.

1918

ტიპი: ავტორობა

1918 წლის 1-ლი დეკემბრის გაზეთ „სახალხო საქმის“ მეშვეობით ქრისტეფორე რაჭველიშვილი საქართველოს მოსახლეობას ულოცავს დამოუკიდებლობის 6 თვის თავს და მოუწოდებს საზოგადოებას, რომ ყველამ ერთად, დიდმა თუ პატარამ უნდა იშრომოს საქართველოს განმტკიცებისთვის, გაძლიერებისთვის და უკეთესი მომავლისთვის.

1918

ტიპი: ავტორობა

1918 წლის 1-ლი დეკემბრის გაზეთ „სახალხო საქმეში“ არჩილ ჯაჯანაშვილი სიამაყით გადმოგვცემს, თუ როგორ მოახერხა საქართველომ დამოუკიდებლობის გამოცხადების შემდეგ რეფორმების გატარება, სახელმწიფოში წესრიგის დამყარება, რუსეთის ბატონობის მოსპობა. თუ როგორ კეთილსინდისიერად მოიქცა გერმანიის სახელმწიფო, თავისი ძლიერება საქართველოს წინააღმდეგ არ გამოიყენა და საქართველოსაც თავის მხრივ არ დასჭირვებია გერმანიის დახმარება სახელმწიფოებრივი წეს-წყობილების აღსადგენად.

1920

ტიპი: გარდაცვალება

1920 წლის 25 ივლისის „ერთობა“ აქვეყნებს ნეკროლოგს შალიკო (კოხტა) გიგინეიშვილის შესახებ, რომელმავ ორი წელი გაატარა ტყვეობაში, გერმანიაში. რევოლუციის შედეგად განთავისუფლებულ სამშობლოში ჩამოსვლის შემდეგ დანიშნეს ქართული ლაშქრის 1-ელ ქვეითთა რაზმის ტყვიისმფრქვეველთა გუნდში. იბრძოდა ახალქალაქის მაზრაში, სომხებთან ომის დროს და ფოცხოვის ბრბოებთან შეტაკების დროს (1918-19 წლებში); მეოთხე ათასეულთან ერთად 8 თვე გაგრის ფრონტზე იბრძოდა დენიკინის წინააღმდეგ, შემდეგ გაგზავნეს აჭარაში. 1-ელ ივლისს მან 26 კაცით რამდენჯერმე მოიგერია მტერი, მაგრამ საბოლოოდ მოკლეს.

1920

1920 წლის 1 ივლისს მეოთხე ქვეითთა ათასეულს (აჭარელ ბანდებთან ბრძოლაში) გამოესალმა ლეიტ. შალიკო გიგინეიშვილი.

1918

ტიპი: ავტორობა

1918 წლის 1-ლი დეკემბრის გაზეთ „სახალხო საქმეში“ სამსონ ფირცხალავა სიამაყითა და დიდი ბედნიერებით აღნიშნავს საქართველოს დამოუკიდებლობის 6 თვის შესრულებას. ის აცხადებს, რომ ქართველი ერი აღდგა და საქართველო დღეს და სამარადისოდ თავისუფალია.

1920

ტიპი: ავტორობა

1920 წლის 25 ივლისის გაზეთ „ერთობის" ცნობით, შრომის სამინისტროს ცირკულარში წერია, რომ მთავრობის 8 ივნისის დადგენილებით, პროვინციის სახელმწიფო დაწესებულებათა უმცროს მოსამსახურეთ პენსიები გაეზარდათ. ხელს აწერენ: საქმეთა მმართველი ი. ა. გოლდმანი და საქმისმწარმოებელი მ. სოხაძე.

1918

ტიპი: ავტორობა

აკაკი პაპავა გადმოგვცემს,რომ როცა საქართველოში არ იყო აზრთა თანხვედრა საქართველოს დემოკრატიულობის შესახებ,სწორედ მაშინ დემოკრატიის მომხრეები ერთხმად დაუპირისპირდნენ მათ მოწინააღმდეგეებსა და საქართველოს მტრებს.მათ ერთიანი ძალისხმევით,საქართველოს დამოუკიდებლობა აღადგინეს და 6 თის შემდეგაც არ აპირებდნენ დემობილიზაციას.

1920

ტიპი: ავტორობა

1920 წლის 25 ივლისს, 4 საათზე, ავლაბრის სახალხო უნივერსიტეტის შენობაში ნ. ათაბეგოვ-ტუმასი წაიკითხავდა მოხსენებას სოციალური დახმარების შესახებ .

1920

ტიპი: პირადი ურთიერთობა

1920 წლის 25 ივლისის „ერთობა“ იტყობინება, რომ აკაკი ჩხენკელმა ბათუმიდან მისალოცი დეპეშა მიიღო მუსულმანური და საქრისტიანო საქართველოს გაერთიანებასთან დაკავშირებით. ხელს აწერენ: სულეიმან ბეკ ბატანიძე, ეიუბ დიასამიძე, თებიკ ბეკ თავაძე, ხოჯ აღაა გუაბაის თარიშვილი, იმამ აღისშვილი-კედერი (სოფ. მეძიბნა), კედიმ აღა ცინცაძე (სოფ დოლოგანი), გურჯი ოღლი იბრაგიმ აბას სიბილაძე, სულეიმან ბეკ ბოლქვაძე (სოფ. მახუნცეტი).

1918

ტიპი: თანამდებობა

1918 წლის 1-ლი ოქტომბრის გაზეთ „სახალხო საქმის" ცნობით, საქართველოს მთავრობამ საგანგებო სასამართლოს თავმჯდომარედ დანიშნა ნაფიცი ვექილი ივანე ჯაფარიძე, ხოლო სხვადასხვა თანამდებობაზე საოლქო სასამართლოს წევრი კარასიოვი, ვასილინი, მელ. კანდელაკი, ქრისტეფორე რაჭველიშვილი, დ. ტატიშვილი, სილიბისტრო ჯიბლაძე და ილია ბადრიძე.

1918

ტიპი: ავტორობა

1918 წლის 1-ლი დეკემბრის გაზეთ „სახალხო საქმეში“ გრიგოლ რცხილაძე საქართველოს დამოუკიდებლოს გამოცხადებიდან 6 თვის თვზე აქვეყნებს სტატიას, რომელშიც აცხადებს, რომ 26 მაისის აქტმა დაამტკიცა, ის, რაც ქართველი ხალხის ნაციონალურ რეალობას შეადგენდა, დიდხანს უჩინარი იყო როგორც თვით ამ ხალხისთვის, ისე მისი მესვეურებისთვის. ქართველმა ხალხმა დამოუკიდებლობის საფუძველზე შეინარჩუნა უდიდესი ნაწილი თავის ტერიტორიისა, რომელსაც გარეშე ძალა ეპატრონებოდა, დაიცვა თავისი ქვეყნის უსაფრთხოება და გაატარა მთელი რიგი რეფორმები.

1920

ტიპი: ღონისძიება

„ერთობა“ იუწყება, რომ 1920 წლის 15 ივლისს მეორე ქართულ კლუბში (პლეხანოვის პროსპ.) გაიმართებოდა საღამო გალაკტიონ ტაბიძის, ვ. რუხაძის, გ. ქუჩიშვილის, დუტუ მეგრელის, რობაქიძის, თაგუნას და სხვ. მონაწილეობით.

1920

ტიპი: პირადი ინფორმაცია

1920 წლის 15 ივლისს ლადო მესხიშვილი არტისტული საზოგადოების თეატრში პირველად მონაწილეობდა წარმოდგენაში „ინსტინქტი“.

1919

ტიპი: ღონისძიება

1919 წლის 23-27 ნოემბერს გაიმართა საქართველოს მევენახეთა და მეღვინეთა პირველი კონგრესი, რომელზეც მოხსენებით გამოვიდნენ: პ. ავერკინი, ტრიფონ გრიგოლის ძე ბააკაშვილი, კონსტანტინე მიხეილის ძე ბერეკაშვილი. ა. ა. ეგოროვი, გ. ა. წინამძღვრიშვილი, ს. ნ. ტიმოფეევი, ნიკო იაკობის ძე ნიკოლაძე, სოლომონ მ. ჩოლოყაშვილი, მიხეილ ალექსანდრეს ძე წულუკიძე, ალექსანდრე დავითის ძე მაჩაბელი, კ. ნაკაშიძე, გიორგი ლევანის ძე ბერიშვილი, ნ. კ. მაქარაშვილი, ერმილე კაციას ძე ნაკაშიძე.

1920

ტიპი: ღონისძიება

1920 წლის 15 თებერვლიდან საქართველოს მეღვინე-მევენახეთა ყრილობათა საბჭო ივანე ანდრონიკაშვილის რედაქტორობით გამოსცემს ჟურნალს „ვაზი და ღვინო“, რომლის მიზანია, მკითხველს მიაწოდოს მეღვინეობა-მევენახეობასთან დაკავშირებული ახალი ცნობები.