რეგისტრირებული ფაქტები82428
სორტირება ახალი ჩანაწერების მიხედვით
1951
ტიპი: ღონისძიება
1951 წლის 7 ნოემბერს შალვა მაღლაკელიძემ გაიოზ მაღლაკელიძეს მისწერა, რომ ვიზის მისაღებად პირადობის მოწმობა სჭირდებოდა, რომელიც კარაჩში უნდა მიეიღო.
1951
ტიპი: პირადი ურთიერთობა
1951 წლის 7 ნოემბერს შალვა მაღლაკელიძემ გაიოზ მაღლაკელიძეს პაკისტანის სახელმწიფო წყობის შესახებ მისწერა, რომ პაკისტანი ფედერალური სახელმწიფო იყო და პრემიერი თავისი მინისტრებით კარაჩში იჯდა, პროვინციებში კი შეფ მინისტრებს საკუთარი სახელმწიფო აპარატი ჰქონდათ. მათ შორის განსხვავება ის იყო, რომ კარაჩის მინსტრთა თავმჯდომარე „პრემიერ მინისტრი“ იყო, პროვინციის მთავრობის სათავეში კი „შეფ-მინისტრები“ იდგნენ.
1951
ტიპი: პირადი ურთიერთობა
1951 წლის 16 სექტემბერს შალვა მაღლაკელიძემ გერმანიაში გაიოზ მაღლაკელიძეს მისწერა, რომ შეწუხებული იყო გრეტას ავადმყოფობით და მეუღლის ბინიდან გაძევებით. შვილს კი მოუბოდიშა, რომ ფულით ვერ ეხმარებოდა.
1951
ტიპი: პირადი ურთიერთობა
1951 წლის 1-ლ აგვისტოს შალვა მაღლაკელიძემ გერმანიაში მყოფ გაიოზ მაღლაკელიძეს დაბადების დღე მიულოცა და ოჯახის წევრები მოიკითხა (გაიოზ მაღლაკელიძე 5 აგვისტოს გერმანიაში დაიბადა).
1918
ტიპი: თანამდებობა
1918 წლის 2 ნოემბრის საქართველოს დემოკრატიული რესპუბლიკის უმაღლესი და საშუალო სასწავლებლის გამგის N75 ბრძანებით ქუთაისის წმინდა ნინოს სახელობის გიმნაზიის ბუნებისმეტყველების პედაგოგად ქ. ნასარიძე დაინიშნა.
1918
ტიპი: თანამდებობა
1918 წლის 2 ნოემბრის საქართველოს დემოკრატიული რესპუბლიკის უმაღლესი და საშუალო სასწავლებლის გამგის N74 ბრძანებით ვერა ისოების ასული ბერნატოვიჩი თბილისის ,,ახალი სკოლის" საზოგადოების ვაჟთა გიმნაზიის ფრანგული ენის პედაგოგად დაინიშნა.
1918
ტიპი: თანამდებობა
1918 წლის 2 ნოემბრის საქართველოს დემოკრატიული რესპუბლიკის უმაღლესი და საშუალო სასწავლებლის გამგის N74 ბრძანებით თბილისის რეალური სასწავლებლის ყოფილი პედაგოგი ნინო ვასილის სული აკოფოვი მეხუთე გიმნაზიაში ბუნებისმეტყველების პედაგოგად დაინიშნა.
1918
ტიპი: თანამდებობა
1918 წლის 2 ნოემბრის საქართველოს დემოკრატიული რესპუბლიკის უმაღლესი და საშუალო სასწავლებლის გამგის N73 ბრძანებით ვლადიმერ ალექსის ძე ლებედევი ფოთის ვაჟთა გიმნაზიის რუსული ენის მასწავლებლად დაინიშნა.
1917
ტიპი: ღონისძიება
1917 წელს სასახლის საწყობიდან შინაგან საქმეთა სამინისტროს კომისარ აკაკი ჩხენკელის ბინაზე გადაიტანეს 42 დასახელების საოჯახო ნივთი. მიღება-ჩაბარებას ადასტურებს დგებუაძე.
1918
ტიპი: ღონისძიება
1918 წლის 19 იანვარს გენერალ-ლეიტენანტი შიხლინსკი და შტაბის უფროსის ნაცვლად გენერალ-მაიორი ტალიშხანოვი ატყობინებენ ფრონტის შტაბის მორიგე გენერალს, რომ კორპუსს ჰყავს მხოლოდ ერთი ცხენოსანთა პოლკი, ახალი ნაწილების ფორმირება არ დაწყებულა. დოკუმენტის სისწორეს ადასტურებს პოდპოლკოვნიკი ზროდლოვსკი.
1917
ტიპი: ღონისძიება
1917 წლის 3 მაისს ერზრუმიდან, არმიის შტაბიდან, კონტრ-სადაზვერვო ნაწილის უფროსის მიერ გაცემულია საიდუმლო მითითება პორუჩიკი რაევის სახელზე.
1920
ტიპი: ნასამართლეობა
1920 წლის 6 ივლისს გაგრაში დააპატიმრეს კომუნისტების კომიტეტი აკაკი სურგულაძის მეთაურობით. ის მონაწილეობდა კინტრიშის ხიდის აფეთქებაში. კომიტეტი საქართველოს საზღვრით რუსეთში წასვლას ცდილობდა.
1917
ტიპი: ღონისძიება
1917 წლის 20 აგვისტოს კაპიტანი დ. გამტაევი უგზავნის რიზეს ოლქის ხელმძღვანელს მოკლე ცნობებს სტატისტიკური და ეკონომიკური გამოკვლევის შესახებ ოლქის მოსახლეობასთან დაკავშირებით გენერალ-გუბერნატორისათვის გასაკეთებელი მოხსენებისათვის.
1917
ტიპი: ავტორობა
1917 წლის 6 მარტს პეტროგრადის სამხედრო-პოლიციურმა ტელეგრაფმა გააგზავნა ნაშტასევის ტელეგრამა ჯარის ყველა ნაწილში. გლავკოსევმა მიიღო შეტყობინება სამხედრო მინისტრისგან, რომ გამოსცა ბრძანება, რომელიც დაარეგულირებდა ოფიცრებსა და ჯარისკაცებს შორის ურთიერთობას. ხელი მოაწერეს დანილოვმა და გულიჩევმა.
1951
ტიპი: პირადი ურთიერთობა
1951 წლის 5 ივნისს შალვა მაღლაკელიძემ გაიოზ მაღლაკელიძეს სთხოვა, გაერკვია პაკისტანიდან გერმანიაში დასაბრუნებელი ვიზის მისაღებად როგორ უნდა მოქცეულიყო.