რეგისტრირებული ფაქტები80081
სორტირება ახალი ჩანაწერების მიხედვით
1898
ტიპი: ღონისძიება
1898 წლის 21 აპრილს გამართულ ქართველთა შორის წერა-კითხვის გამავრცელებელი საზოგადოების მე-12 სხდომაზე ნინო ყიფიანმა საზოგადოების სასარგებლოდ ფულის შესაგროვებლად წაღებული ყულაბა წარადგინა. ყულაბაში 68.34 მანეთი აღმოჩნდა.
1899
ტიპი: ღონისძიება
1899 წლის 19 ოქტომბერს ქართველთა შორის წერა-კითხვის გამავრცელებელი საზოგადოების გამგეობის სხდომაზე დადგინდა, რომ საპატიო წევრ გიორგი დავითის ძე ქართველიშვილისთვის გამოეცხადებინათ მადლობა 763 ცალი „ვეფხისტყაოსნისა“ და ვახუშტი ბატონიშვილის 210 ცალი „საქართველოს ისტორიის“ შეწირვისთვის. ოქმს ხელს აწერს თავმჯდომარის მოადგილე ნიკოლოზ ცხვედაძე.
1907
ტიპი: ავტორობა
1907 წელს ნაფიცმა ვექილმა, იასონ ლორთქიფანიძემ, ქართველთა შორის წერა-კითხვის გამავრცელებელი საზოგადოების გამგეობას კავკავიდან შეატყობინა, რომ ადგილობრივი არაქართველი მოსახლეობა ილია ჭავჭავაძეს თითქმის არ იცნობდა, ამიტომ იმავე წლის 27 ოქტომბერს დაგეგმილი ილიას საღამოს ორგანიზატორებს გადაწყვეტილი ჰქონდათ რუსული განყოფილების გამართვა, რისთვისაც ლორთქიფანიძე საზოგადოების გამგეობას სთხოვდა ილიას თხორჟევსკისეული თარგმანებისა და გაზეთ „ზაკავკაზიეს“ იმ ნომრის გაგზავნას, რომელშიც „გლახის ნაამბობის“ დასაწყისი იყო დაბეჭდილი.
1898
ტიპი: ღონისძიება
1898 წლის 14 აპრილს ქართველთა შორის წერა-კითხვის გამავრცელებელი საზოგადოების მეთერთმეტე სხდომაზე წაიკითხეს ანასტასია ვარდენის ასულ წერეთლის წერილი. წერეთელმა სოხუმში საზოგადოების სახელით გამართული წარმოდგენიდან მიღებული 160 მანეთი საზოგადოებას გამოუგზავნა და ითხოვა, აქედან 55 მანეთი სტუდენტ ჩხენკელისთვის კიევში გაეგზავნათ, 15 მანეთი ქვრივი ანნა კილნიცკაიასთვის გადაეცათ, ხოლო 9 თუმანი მისთვის დაებრუნებინათ, რათა 3 თუმანი მიეცა სოხუმის ბიბლიოთეკისთვის, 6 კი – სოხუმში სამკურნალოდ მყოფი სტუდენტის, რ. ქუთათელაძისთვის. გამგეობამ მისი თხოვნა დააკმაყოფილა.
1908
ტიპი: ორგანიზაცია
1908-1909 წლების ხელნაწერში წარმოდგენილია სია ქართველთა შორის წერა-კითხვის გამავრცელებელი საზოგადოების ახალციხის განყოფილების წევრებისა და აღნიშნულია, რომ თითოეულ მათგანს ყოველწლიურად სამ-სამ მანეთი უნდა გადაეხადა: კონსტანტინე ივანეს ძე გვარამაძე, ოქროპირ ივანეს ძე გვარამაძე, იოსებ პავლეს ძე მაისურაძე, ივანე ივანეს ძე ლაზარაშვილი, ანნა ტერ-გრიგოროვისა, მიხეილ დიმიტრის ძე კვალიაშვილი, პეტრე პავლეს ძე ხუნდაძე, თ. ნ. ჩოლოყაშვილი, გიორგი ბესარიონის ძე ღოღობერიძე, დეკანოზი დიმიტრი გიორგის ძე ხახუტაშვილი, ქ. ხახუტაშვილი, ა. ვ. ფედატოვი, სოფრონ ზედგინიძე, ვლადიმერ გიორგის ძე დაფქვიაშვილი, კონსტანცია სეიმანის ასული მეფისაშვილი, ზ. ბაიბურთელი, ანნა სტეფანეს ასული ფირალიშვილი (ფირალოვისა), ივანე ვასილის ძე ხმალაძე, როზა გრიგოლის ასული ალელიშვილისა, ივანე (ვანო) პავლეს ძე ჩილინგარაშვილი, მთავარდიაკონი გრიგოლაშვილი, ვასილ გამრეკელი, გიორგი ყანჩელი, ვარვარა მელიქოვისა, მარია ხერხეულიძე, თამარა ლევანის ასული ერისთავისა, გიორგი ჩიკოიძე, ალექსანდრე ხერხეულიძე, მიშო ერისთავი და თამარ გიორგის ასული ვაჩნაძისა.
1898
ტიპი: ღონისძიება
1898 წლის 28 აპრილს ქართველთა შორის წერა-კითხვის გამავრცელებელი საზოგადოების სხდომას ესწრებოდნენ ნიკოლოზ ცხვედაძე, დავით კარიჭაშვილი, ალექსანდრე ჭყონია, ივანე რატიშვილი, ნიკოლოზ მთვარელიშვილი, გიორგი იოსელიანი, იაკობ გოგებაშვილი და ექვთიმე თაყაიშვილი. გამგეობამ განიხილა 21 აპრილის სხდომაზე წარმოდგენილი საკითხი, რომელიც სენაკის სკოლის პედაგოგების რჩევის პროტოკოლს და ასევე სენაკის სკოლის ინსპექტორის აზრს ეხებოდა. გამგეობამ გადაწყვიტა, სენაკის სკოლის პედაგოგების რჩევით თავმჯომარესთვის მიეწერათ, რომ სკოლაში სწავლა განეხორციელებინათ იმ პროგრამით, რომელიც მათ საზოგადოებამ გაუგზავნა.
1899
ტიპი: თანამდებობა
1899 წლის 26 ოქტომბრის სხდომაზე ქართველთა შორის წერა-კითხვის გამავრცელებელი საზოგადოების გამგეობამ მოისმინა ქუთაისისა და სენაკის სათავადაზნაურო სასწავლებელთა სამზრუნველო კომიტეტის მოხსენება, რომ დროებით სენაკის სკოლაში ინსპექტორის თანამდებობის შესრულება მინდობოდა მასწავლებელ არსენ სიმონის ძე წითლიძეს.
1899
ტიპი: ღონისძიება
1899 წლის 26 ოქტომბრის სხდომაზე ქართველთა შორის წერა-კითხვის გამავრცელებელი საზოგადოების გამგეობამ დაადგინა, რომ სენაკის სკოლის ინსპექტორი თომა მთავრიშვილი გადაეყვანათ ქუთაისის სათავადაზნაურო სკოლის მოსამზადებელი კლასის მასწავლებლად. ოქმს ხელს აწერს თავმჯდომარის მოადგილე ნიკოლოზ ცხვედაძე.
1899
ტიპი: ღონისძიება
1899 წლის 26 ოქტომბრის სხდომაზე ქართველთა შორის წერა-კითხვის გამავრცელებელი საზოგადოების გამგეობამ დაადგინა, რომ თომა მთავრიშვილის გადაყვანის შემდეგ სენაკის სკოლის ინსპექტორობა დროებით ჩაბარებოდა ამავე სკოლის მასწავლებელ არსენ წითლიძეს. ოქმს ხელს აწერს თავმჯდომარის მოადგილე ნიკოლოზ ცხვედაძე.
1899
ტიპი: ღონისძიება
1899 წლის 2 ნოემბრის სხდომაზე ქართველთა შორის წერა-კითხვის გამავრცელებელი საზოგადოების გამგეობამ განიხილა გომარეთის სკოლის მასწავლებელ იოსებ ფორაქაშვილის მოხსენება გომარეთის სკოლისათვის 500 მანეთად სახლის ყიდვისა და გადმოტანის შესახებ. დადგინდა, ადგილობრივი მღვდლის ან მამასახლისისაგან შემდგარიყო კომისია, რომელსაც უნდა შეეძინა ხის სახლი დამატებითი შენობებით, ვაშლის ხეები და 20 სკა ფუტკრით, სოფლიდან გადმოეტანა განკუთვნილ ადგილზე და სკოლისათვის შესაფერისად მოეწყო. თავის მხრივ, გამგეობა დაეხმარებოდა სკოლას 500 მანეთით, რომელიც კომისიას გაეგზავნებოდა სკოლის სრულად მოწყობის შემდეგ. საჭიროების შემთხვევაში თანხის ნახევარს წინასწარ გაუგზავნიდნენ. ოქმს ხელს აწერენ – თავმჯდომარის მოადგილე ნიკოლოზ ცხვედაძე, წევრები: დავით კარიჭაშვილი, გიორგი იოსელიანი, ვლადიმერ ლორთქიფანიძე, ივანე ზურაბიშვილი, იაკობ გოგებაშვილი, ივანე რატიშვილი და ექვთიმე თაყაიშვილი.
1898
ტიპი: ღონისძიება
1898 წლის 28 აპრილს გაიმართა ქართველთა შორის წერა-კითხვის გამავრცელებელი საზოგადოების მეცამეტე სხდომა, რომელსაც ესწრებოდნენ ნიკოლოზ ცხვედაძე, დავით კარიჭაშვილი, ალექსანდრე ჭყონია, გიორგი იოსელიანი, ნიკოლოზ მთვარელიშვილი, ივანე რატიშვილი, იაკობ გოგებაშვილი და ექვთიმე თაყაიშვილი. სხდომაზე გამგეობას თხოვნით მიმართა კავკავის სამოსწავლო ოლქის მზრუნველმა, რომ გაუგზავნონ მას კანცელარიისთვის და წინარეხის სკოლისთვის 1897 წლის ცირკულარი. გამგეობამ კავკავის სამოსწავლო ოლქის მზრუნველის მოთხოვნა დააკმაყოფილა.
1898
ტიპი: ღონისძიება
1898 წლის 28 აპრილს გაიმართა ქართველთა შორის წერა-კითხვის გამავრცელებელი საზოგადოების მეცამეტე სხდომა. სხდომაზე ნინო მაჭავარიანმა წარმოადგინა საზოგადოების სასარგებლოდ ფულის შესაგროვებლად წაღებული ყულაბა, საიდანაც გამგეობამ ამოიღო 5.7 მანეთი.
1879
ტიპი: ღონისძიება
1879 წლის 5 სექტემბერს ქართველთა შორის წერა-კითხვის გამავრცელებელი საზოგადოების გამგეობის სხდომას დაესწრნენ: თავმჯდომარის მოადგილე ილია ჭავჭავაძე, ნიკოლოზ ცხვედაძე, დავით ავალიშვილი და ნიკოლოზ ქანანოვი.
1920
ტიპი: ღონისძიება
საქართველოს დემოკრატიული რესპუბლიკის სახალხო განათლების მინისტრის მოადგილის ნოე ცინცაძის მიერ ბარბარე იაგორის ასული ბაისოგოლავას თანამდებობაზე დამტკიცების 1920 წლის 23 იანვრის N5 ბრძანების დედანთან სისწორე ი. ეპიტაშვილმა დაადასტურა.
1919
ტიპი: თანამდებობა
1919 წელს საქართველოს დემოკრატიული რესპუბლიკის უმაღლესი და საშუალო სასწავლებლების მთავარგამგე იყო გრიგოლ იასონის ძე ნათაძე.
1918
ტიპი: თანამდებობა
1918 წელს ვუკ. ბერიძე საქართველოს დემოკრატიული რესპუბლიკის უმაღლესი და საშუალო სასწავლებლების მთავარგამგის მოვალეობის შემსრულებელი იყო.
1879
ტიპი: ღონისძიება
1879 წლის 17 ნოემბრის სხდომაზე ქართველთა შორის წერა-კითხვის გამავრცელებელი საზოგადოების გამგეობამ დაადგინა, რომ ვასილ კარბელაშვილისთვის (კარბელოვისთვის) ეშუამდგომლათ მოსწავლეთა და ყრმათა დახმარების დაწესებულებასთან, რათა ამ დაწესებულებას მისთვის სწავლის საფასური გადაეხადა, რადგან სწავლის საფასურის გადახდა გამგეობის ვალდებულება არ იყო. სხდომის ოქმს ხელს აწერენ: ილია ჭავჭავაძე, ნიკოლოზ ზებედეს ძე ცხვედაძე, იაკობ გოგებაშვილი, ივანე გიორგის ძე მაჩაბელი, დიმიტრი ივანეს ძე ყიფიანი.
1898
ტიპი: ღონისძიება
1898 წლის 8 მაისის ქართველთა შორის წერა-კითხვის გამავრცელებელი საზოგადოების მეთოთხმეტე სხდომაზე განიხილეს სენაკის სკოლის პედაგოგების: ივლიანე გოგოლაშვილის, იასონ ნიკოლაიშვილისა და ლავრენტი აგლაძის მოხსენება მოსწავლე დარახველიძის ქუთაისის სათავადაზნაურო სკოლაში მიღების შესახებ. გამგეობამ გადაწყვიტა, მაისის ბოლოს სენაკის სკოლაში რევიზიის ჩასატარებლად გაეგზავნათ საზოგადოების ორი წევრი.
1887
ტიპი: გარდაცვალება
1887 წლის 5 ნოემბერს ქართველთა შორის წერა-კითხვის გამავრცელებელი საზოგადოების დამფუძნებელი წევრი დიმიტრი ივანეს ძე ყიფიანი სტავროპოლში გარდაიცვალა.
1887
ტიპი: გარდაცვალება
1887 წლის ქართველთა შორის წერა-კითხვის გამავრცელებელი საზოგადოების წლიური ანგარიშის მიხედვით, გარდაიცვალა საზოგადოების დამფუძნებელი წევრი ალექსანდრე დიმიტრის ძე საგინოვი (საგინაშვილი).
1887
ტიპი: გარდაცვალება
1887 წელს ქართველთა შორის წერა-კითხვის გამავრცელებელი საზოგადოების დამფუძნებელი წევრი ამირინდო ამირინდოს ძე ამილახვარი გარდაიცვალა.
1887
ტიპი: გარდაცვალება
1887 წლის ქართველთა შორის წერა-კითხვის გამავრცელებელი საზოგადოების წლიური ანგარიშის მიხედვით, საზოგადოების დამფუძნებელი წევრი გიორგი დავითის ძე ჯორჯაძე გარდაიცვალა.
1887
ტიპი: გარდაცვალება
1887 წლის ქართველთა შორის წერა-კითხვის გამავრცელებელი საზოგადოების წლიური ანგარიშის მიხედვით, საზოგადოების ნამდვილი წევრი, ნიკოლოზ სპირიდონის ძე ჯაბადარი გარდაიცვალა.
© პროსოპოგრაფიულ მონაცემთა ბაზა, ლინგვისტურ კვლევათა ინსტიტუტი 2018 -