რეგისტრირებული ფაქტები72095
სორტირება ახალი ჩანაწერების მიხედვით
1925
ტიპი: გარდაცვალება
1925 წლის 27 მარტის საგანგებო კომისიის დადგენილებით, ივანე ქრისტეფორეს ძე ასლამაზაშვილი ანტიპარტიულ მუშაობას ეწეოდა და შეიარაღებულ აჯანყებას ამზადებდა. დახვრიტეს ვასილ კიკვაძესა და გრიგოლ ურუშაძესთან ერთად.
1924
ტიპი: მფლობელობა
1924 წლის საქმის მიხედვით, ივანე ქრისტეფორეს ძე ასლამაზაშვილს ჰქონდა ორი დესეტინა მიწა და მეწაღის სახელოსნო ბორჩალოს მაზრაში.
1924
ტიპი: ნასამართლეობა
1924 წლის 22 თებერვალს ივანე ქრისტეფორეს ძე ასლამაზაშვილი ბორჩალოს მაზრის პოლიტბიურომ დააკავა არალეგალური პარტიული საქმიანობის ბრალდებით.
1924
ტიპი: პირადი ურთიერთობა
1924 წელს დაკავებულ გრიგოლ ალექსანდრეს ძე შურღაიას ჰყავდა: მამა, ალექსანდრე – 50 წლის, ვაჭარი; დედა – 35 წლის, დიასახლისი; და – 20 წლის, მასწავლებელი; ძმები – 5 და 1 წლის.
1924
ტიპი: ნასამართლეობა
1924 წელს ჩეკაში წარმოებული პირადი საქმის მიხედვით, გრიგოლ ალექსანდრეს ძე შურღაია იყო სენაკის ნაციონალ-დემოკრატების არალეგალური კომიტეტის თავმჯდომარე, აქტიურად მონაწილეობდა ყაჩაღურ თავდასხმებში ნაციონალ-დემოკრატების პარტიის სასარგებლოდ, გეგმავდა წამოსულიყო სენაკიდან და შეერთებოდა პოლიტბანდას. ამიტომ საქართველოს ჩეკაში გადაწყვიტეს, შურღაია დაეკავებინათ 1924 წლის 27 ივნისს.
1918
ტიპი: ორგანიზაცია
1918-1921 წლებში გრიგოლ ალექსანდრეს ძე შურღაია ნაციონალ-დემოკრატი იყო, შემდეგ – უპარტიო.
1924
ტიპი: ნასამართლეობა
1924 წლის 18 ივნისს გრიგოლ ალექსანდრეს ძე შურღაია არალეგალური მუშაობის ბრალდებით დააპატიმრეს .
1902
ტიპი: ორგანიზაცია
1902 წლიდან სოლომონ პეტრეს ძე ბობოკაშვილი სოციალ-დემოკრატების იატაკქვეშა საქმიანობაში ჩაერთო.
1924
ტიპი: პირადი ინფორმაცია
1924 წლის 31 ივლისს დაკავებული სოლომონ პეტრეს ძე ბობოკაშილის საქმის მიხედვით, მას ჰყავდა პურის მცხობელი მშობლები, ისინი თესდნენ პურს. მუღლე − ლეონიდა, 27 წლის, მსახურობდა მე-12 კომისარიატში, ცხოვრობდა დიდუბეში; შვილები − რევაზი, 11 წლის; მერი − 6 წლის.
1924
ტიპი: გარდაცვალება
1924 წელს სოლომონ პეტრეს ძე ბობოკაშვილი დახვრიტეს როგორც „აგვისტოს ავანტურის“ მონაწილე. დახვრეტის შესახებ ანკეტა შევსებულია 1961 წლის 23 ივლისს.
1924
ტიპი: ნასამართლეობა
1924 წლის 31 ივლისს დაკავებული სოლომონ პეტრეს ძე ბობოკაშვილის დაკითხვის ოქმის მიხედვით, მას ბრალად სდებდნენ მენშევიკობას და მათდამი თანაგრძნობას, რასაც ის კატეგორიულად უარყოფდა და ამბობდა, რომ არასდროს მდგარა მათ მხარეს. მეორე ბრალდება ის იყო, რომ ბობოკაშვილი სახლში მალავდა და იფარებდა ნოე ხომერიკს. ბობოკაშვილის ჩვენებიდან ირკვევა, რომ მისი მეუღლე იყო გურული და ხომერიკი მათ ესტუმრა. მისი თქმით, არ იცოდა, ვინ იყო ეს ადამიანი, ხომერიკმა მათთან დაჰყო 4-5 დღე, რის შემდეგაც ბობოკაშვილმა მეუღლეს სთხოვა სტუმარი სახლიდან გაეშვა. მხოლოდ მას შემდეგ შეიტყო, რომ ხომერიკი იყო. ხომერიკმა ერთხელ მიიყვანა მათთან ვანო ხმალაძეც.
1924
ტიპი: ნასამართლეობა
1924 წლის 2 აგვისტოს წინასწარი დადგენილებიდან ირკვევა, რომ ჩეკას წარმომადგენელი ჯალაღანია გაეცნო დოკუმენტებს, რომლის მიხედვითაც, ბობოკაშვილს ბრალად ედებოდა კონტრრევოლუციონერობა, კერძოდ, მენშევიკების პარტიისადმი მიკუთვნებულობა და აქტიური მუშაობა მათ რიგებში. ამის შემდეგ ჯალაღანიამ გასცა განკარგულება, დაეკავებინათ ბობოკაშვილი და მიეცათ პასუხისგებაში. 2 აგვისტოს გაიცა ბობოკაშილის სახლის ჩხრეკის ორდერი.
1924
ტიპი: ნასამართლეობა
1924 წლის 31 ივლისს სოლომონ პეტრეს ძე ბობოკაშვილი საქართველოს ჩეკამ დააპატიმრა.
1924
ტიპი: პირადი ინფორმაცია
1924 წლის 25 მაისს დაკავებული სოლომონ ზაალის ძე ჟორჟოლიანის საქმის მიხედვით, მას ჰყავდა მშობლები: მიწის მუშა მამა და დიასახლისი დედა, ცხოვრობდნენ დიდ ჯიხაიშში; მეუღლე − მაკრინე მერაბის ასული, 58 (60) წლის, დავრდომილი; შვილები − ევა, 26 წლის, ოჯახში მომუშავე; სონია (ქსენია), 19 წლის; ძმები − ნოე, 25 წლის, მიწის მუშა; გიორგი, მენშევიკი, რომელიც ასევე დაიჭირეს.
1922
ტიპი: ორგანიზაცია
1922 წელს სოლომონ ჟორჟოლიანთან მივიდა კუხალეიშვილი ეროვნულ-დემოკრატიული პარტიის ორგანიზაციაში გაწევრიანების თხოვნით. ჟორჟოლიანმა იგი უარით გაისტუმრა.
1918
ტიპი: ორგანიზაცია
1924 წელს დაპატიმრებული სოლომონ ზაალის ძე ჟორჟოლიანის საქმის მიხედვით, ის დიდ ჯიხაიშში ხელმძღვანელობდა ორგანიზაციას, რომლის წევრებიც იყვნენ: სერგო პლატონის ძე ცაგარეიშვილი, ლორთქიფანიძე, რომლის სახელიც არ ახსოვდა, ალექსანდრე სანაძე, რომელიც დიდ ჯიხაიშში ვაჭრობდა, და ა.შ. სულ ცხრანი.
1918
ტიპი: ორგანიზაცია
1918 წლიდან სოლომონ ზაალის ძე ჟორჟოლიანი საბჭოთა ხელისუფლების დამყარების დღემდე იყო ეროვნულ-დემოკრატიული პარტიის წევრი.
1924
ტიპი: მფლობელობა
1924 წლის 3 ივნისს სოლომონ ზაალის ძე ჟორჟოლიანი დაკითხა გამომძიებელმა ძაგანიამ. ის იყო 57 წლის. მას ჰქონდა 7 ქცევა მიწა, სახლი და დუქანი სამტრედიაში, სადაც ვაჭრობდა ხოლმე.
ტიპი: ნასამართლეობა
სოლომონ ზაალის ძე ჟორჟოლიანი დააპატიმრეს 1924 წლის 25 მაისს, კომენდატურაში მიიღეს 4 ივნისს („საკამენდატუროში მიღებულია პატიმარი ჟორჟოლიანი სოლომონ“, ხელს აწერს თანამშრომელი მესხი), საქმის წარმოება დაიწყო 1924 წლის 11 აგვისტოს. იქამდე, 3 ივნისს, დაკავებული დაჰკითხა ძაგანიამ. ჟორჟოლიანს ბრალად ედებოდა არალეგალური მუშაობა საბჭოთა ხელისუფლების წინააღმდეგ, ასევე ის, რომ საკუთარ ძმასთან ერთად ყოველდღე წმენდდა იარაღს. (ოქმზე, რომელშიც ჟორჟოლიანს შევსებული აქვს საკუთარი მონაცემები დაპატიმრების დროდ მითითებულია 25 მაისი, უფრო ქვემოთ დაკავებულის ხელმოწერის დღედ მითითებულია 4 მაისი).
1923
ტიპი: პირადი ურთიერთობა
1923 წელს დაკავებული თარასხან დიმიტრის ძე ეშბას საქმის მიხედვით, მას ჰყავდა: მამა, დემეტრე – 70 წლის, მეურნე; დედა – 65 წლის; მეუღლე, მარია – 30 წლის; შვილი, თამარი – 6 წლის; ძმა, ასტამური – 30 წლის.
1923
ტიპი: ღონისძიება
1923 წლის 2 აპრილს თარასხან ეშბას 9-კაციანი ბანდა მილიციასთან შეტაკებაში მოჰყვა, დიდი ხნის სროლის შემდეგ ბანდა 3 ნაწილად დაიშალა და წევრები სხვადასხვა ადგილზე მიიმალნენ.
1918
ტიპი: ღონისძიება
1918 წელს თარასხან ეშბა კომუნისტური მოძრაობის ჩახშობაში მონაწილეობდა. გასაბჭოების დროს იგი აფხაზეთიდან ჩუმად გაემგზავრა კონსტანტინოპოლში, რათა იატაკქვეშ ემუშავა.
© პროსოპოგრაფიულ მონაცემთა ბაზა, ლინგვისტურ კვლევათა ინსტიტუტი 2018 -