რეგისტრირებული ფაქტები72105
სორტირება ახალი ჩანაწერების მიხედვით
1919
ტიპი: ნასამართლეობა
1919 წლის 4 ივნისის გაზეთ „საქართველოს რესპუბლიკის“ ცნობით, სისხლის სამართლის მილიციამ დააპატიმრა მირ ყამუს-ოღლის მკვლელი ბაშირ-ჯალილ-ოღლი.
1919
ტიპი: გარდაცვალება
1919 წლის ივნისში ბოტანიკური ბაღის ქუჩაზე აღმოაჩინეს მირ-ჰაჯი-აბდულ ოღლის გვამი.
1919
ტიპი: ღონისძიება
1919 წელს საქართველოს რესპუბლიკის დელეგაციის ხელმძღვანელმა, ნიკოლოზ ჩხეიძემ ინახულა საფრანგეთის საგარეო საქმეთა მინისტრი პიშონი და გააცნო ის მოთხოვნები, რომელთაც საქართველოს დელეგაცია საზავო კონფერენციაზე წარადგენდა. პიშონმა ჩხეიძეს განუცხადა, რომ დაბრკოლება არ არსებობდა და საქართველო ამ მოთხოვნებზე დადებით პასუხს მიიღებდა.
1919
ტიპი: ღონისძიება
1919 წლის ივნისში რამდენიმე შეიარაღებული პირი თავს დაესხა სადარაჯოზე მდგარ მილიციელ ბროლაძეს და სროლა აუტეხა. სროლას მსხვერპლი არ მოჰყოლია.
1919
ტიპი: ღონისძიება
1919 წელს სიონის ქუჩაზე უცნობი პირების მიერ ატეხილი სროლის დროს ფეხში დაიჭრა მეოთხე უბნის კომისარი ახვლედიანი.
1919
ტიპი: ღონისძიება
1919 წელს, ბორჩალოს მაზრის კომისრის, ლანდიას ცნობით, დაიწყო შეტაკებები ყაჩაღთა ორი ბრბოს წინააღმდეგ, რომელთაც ცნობილი ყაჩაღები მაჰმუდ სულეიმან-ოღლი და მაქსო მჭედლიშვილი მეთაურობდნენ, ისინი მხეცურად იქცეოდნენ და შიშის ზარს სცემდნენ მოსახლეობას.
1919
ტიპი: ღონისძიება
1919 წელს ლონდონში საქართველოს დიპლომატიურმა წარმომადგენელმა დავით ღამბაშიძემ მიიღო ცნობა, რომ დენიკინი აპირებდა ამიერკავკასიაზე გამოლაშქრებას. ღამბაშიძემ მოლაპარაკება გამართა ლოიდ ჯორჯთან, რომელმაც აღუთქვა, რომ დენიკინის სვლას ამიერკავკასიისკენ მოკავშირეები შეაჩერებდნენ.
1919
ტიპი: ნასამართლეობა
1919 წელს მილიციამ დააპატიმრა არშაკ სარქისოვი და გიგუა აზატოვი, რომლებმაც ტარიელ გვათუა გაქურდეს.
1919
ტიპი: ნასამართლეობა
1919 წელს მილიციამ შეიპყრო ნიკა სიყმაშვილის მკვლელები – დავით რამაზაშვილი და ანტონ მგალობლიშვილი.
1919
ტიპი: გარდაცვალება
1919 წლის 1-ელი ივნისის ღამეს ავლაბარში სისხლის სამართლის მილიციის აგენტი ნიკა სიყმაშვილი მოკლეს.
1919
ტიპი: ნასამართლეობა
1919 წლის ივნისში მილიციამ შეიპყრო ცნობილი ქურდი-რეციდივისტი ივანე ივანოვი (იგივე ცარიოვი), რომელსაც მრავალი ძარცვა ბრალდებოდა.
1919
ტიპი: ნასამართლეობა
1919 წლის ივნისში მილიციამ შეიპყრო ივანე ანდრიას ძე გოგოკაშვილი, რომელიც 30000 მანეთის ღირებულების სახელმწიფო ნივთებს ჰყიდდა.
1919
ტიპი: თანამდებობა
1919 წელს ალექსანდრე ლორთქიფანიძე ბორჩალოს მაზრის ნეიტრალური ზონის კომისარი იყო.
1919
ტიპი: ღონისძიება
1919 წლის 5 ივნისის გაზეთ „საქართველოს რესპუბლიკის" ცნობით, მსახიობ ნინო პლატონის ასულ ჩხეიძეს 25 წლის სასცენო მოღვაწეობის აღსანიშნად ჯილდოდ მიეცა ჟეტონი (სახელმწიფო ღერბი) და 5000 მანეთი ათმილიონიანი ფონდიდან.
1919
ტიპი: თანამდებობა
1919 წელს ივანე ივანეს ძე შმიდტი სოხუმის პირველი უბნის მომრიგებელ მოსამართლედ დაინიშნა.
1919
ტიპი: თანამდებობა
1919 წელს ევგენი ალექსანდრეს ძე ბელორუსოვი გორის უბნის სასამართლოს გამომძიებლის თანამდებობის აღმასრულებლად დაინიშნა.
1919
ტიპი: თანამდებობა
1919 წელს იონა გიტოს ძე კიზირია შინაგან საქმეთა სამინისტროს კანცელარიის ბუღალტრის თანაშემწედ დაინიშნა.
1919
ტიპი: თანამდებობა
1919 წელს პოდპოლკოვნიკი ისრაფილ იედიგაროვი დაინიშნა ბორჩალოს მაზრის იაილაგათა (კოჩევების) მაზრის გამგედ.
1919
ტიპი: ავტორობა
1919 წლის ივნისში საქართველოს მთავრობის თავმჯდომარე ნოე ჟორდანიამ შულავერის კომისარ ბ. ოვანიანისგან დეპეშა მიიღო, რომელშიც ის სალამს უძღვნის საქართველოს დემოკრატიული რესპუბლიკის დამოუკდებლობას და იმედს გამოთქვამს, რომ ამ სადღესასწაულო დღეს პატიმრობიდან გათავისუფლდებოდნენ სომეხ-ქართველთა სამწუხარო კონფლიქტის მსხვერპლი შულავერელები.