რეგისტრირებული ფაქტები72439
სორტირება ახალი ჩანაწერების მიხედვით
1924
ტიპი: ნასამართლეობა
1924 წლის 2 თებერვალს დააპატიმრეს ამბროსი ნიკოლოზის ძე გაჩეჩილაძე, მაგრამ მალევე გაათავისუფლეს.
1924
ტიპი: პირადი ურთიერთობა
1924 წელს დაკავებულ მიხეილ ანჩაბაძეს ჰყავდა მამა, თამშუკ ანჩაბაძე – 60 წლის, მიწათმოქმედი; და, ვერა – ანჩაბაძე, 13 წლის.
1924
ტიპი: ნასამართლეობა
1924 წელს პატიმრობაში მყოფმა მიხეილ ანჩაბაძემ თანამშრომლობის სანაცვლოდ შეწყალება მოითხოვა. განაცხადა, რომ შეეძლო ეჩვენებინა ადგილები, სადაც ჩოლოყაშვილის ბანდის წევრები იმალებოდნენ და ეთქვა თელავში მისი აგენტების სახელები, რომელთა საშუალებითაც შესაძლოა თავად ჩოლოყაშვილისთვისაც მიეგნოთ.
1924
ტიპი: ნასამართლეობა
1924 წლის 24 აპრილს დაკავებული მიხეილ ანჩაბაძის ჩვენების მიხედვით, მან და ქაქუცა ჩოლოყაშვილმა ხელში ჩაიგდეს ჩეკისტი იაკოვლევი და დახვრიტეს.
1921
ტიპი: ორგანიზაცია
1921 წელს, წითელი არმიის შემოსვლის შემდეგ, მიხეილ ანჩაბაძე ქაქუცა ჩოლოყაშვილს შეუერთდა და მასთან ერთად იმალებოდა სხვადასხვა ადგილას. მისი ჩვენების მიხედვით, პირველივე დღიდან დაიწყეს ხალხის ხოცვა, ხელში ჩაიგდეს ჩეკისტი იაკოვლევი და დახვრიტეს, შემდეგ დღეებშიც თავს ესხმოდნენ და ხვრეტდნენ ჩეკისტებს.
1920
ტიპი: თანამდებობა
1920 წელს მიხეილ ანჩაბაძემ თავი დაანება სამხედრო სამსახურს და სოხუმში დაბრუნდა.
1919
ტიპი: ორგანიზაცია
1919 წელს მიხეილ ანჩაბაძე ირიცხებოდა მე-2 ესკადრონის პირველ ქართულ პოლკში, რომელშიც ასევე მსახურობდა ქაიხოსრო (ქაქუცა) იოსების ძე ჩოლოყაშვილი.
1924
ტიპი: ნასამართლეობა
1924 წლის 24 აპრილს გუდაუთაში დაპატიმრებულ მიხეილ ანჩაბაძეს ბრალი დასდეს ბანდიტიზმში, კერძოდ, ყაჩაღურ თავდასხმებში თელავის ვაგზალზე „ჩოლოყაევის ბანდის წევრებთან ერთად“.
1924
ტიპი: ნასამართლეობა
1924 წლის 24 აპრილის ღამეს მიხეილ ანჩაბაძე დააკავეს გუდაუთაში და თბილისის ჩეკაში გაგზავნეს.
1924
ტიპი: პირადი ინფორმაცია
1924 წლის 24 აპრილს დაკავებული მიხეილ თამშუკის ძე ანჩაბაძე ცხოვრობდა გუდაუთის რაიონში, სოფელ აჩანდარში.
1934
ტიპი: ღონისძიება
1934 წელს გამართულ საქართველოს საბჭოთა მწერლების პლენუმზე შალვა რადიანმა ქართველი პოეტების შემოქმედების განხილვისას აღნიშნა, რომ ყოფილი ცისფერყანწელები, განსაკუთრებით ვალერიან გაფრინდაშვილი და ტიციან ტაბიძე, ჯერ კიდევ ვერ გათავისუფლდნენ სიმბოლური სკოლის რეციდივებისგან. მოხსენების შემდეგ შალვა რადიანს, ნიკოლოზ სირბილაძეს, იონა ვაკელს, ირაკლი აბაშიძესა და არისტო ჭუმბურიძეს შორის კამათი გაიმართა.
1934
ტიპი: ღონისძიება
1934 წლის 15 ივნისს საქართველოს კომუნისტური პარტიის (ბ) ცენტრალურ კომიტეტში ლავრენტი ბერიას თავმჯდომარეობით გამართულ თათბირზე სოფლად პარტმუშაობის გარდაქმნის საკითხზე ისაუბრეს. თათბირს ესწრებოდნენ: ა. რამიშვილი, დოლიძე, ჟღენტი, ორაგველიძე, ცხვარაძე, ხალილოვი, ახუნდოვი, ალი მადათოვი, რამიშვილი, ბოკუჩავა, ჭელიძე, მიქელოვი, კოზაევი.
1934
ტიპი: თანამდებობა
ა. კეკელია 1934 წელს საქართველოს კომუნისტური პარტიის (ბ) ცენტრალური კომიტეტის სასოფლო-სამეურნეო განყოფილების გამგე იყო.
1937
ტიპი: ღონისძიება
1937 წელს მალაქია ტოროშელიძის აღიარების მიხედვით, საქართველოს ნაციონალური ცენტრის ბლოკის ერთ-ერთ შეხვედრას, რომელიც კერძო ბინაზე ჩატარდა, ნოე ჟორდანიას დავალებით ნიკოლოზ ელიავა დაესწრო.
1937
ტიპი: ორგანიზაცია
1937 წელს მალაქია ტოროშელიძის აღიარებითი განცხადებიდან ირკვევა, რომ ტროცკისტებსა და ნოე ჟორდანიას შექმნილი ჰქონდათ საქართველოს ნაციონალური ცენტრის ბლოკი, რომელშიც ერთიანდებოდნენ ანტისაბჭოური პარტიის წარმომადგენლები.
1927
ტიპი: ღონისძიება
1927 წელს გერმანე მათითაშვილმა ბუდიონ მდივანს ტროცკისტული ორგანიზაციების მიზნების შესახებ მიხეილ ოკუჯავას სახლში მოხსენების წაკითხვა სთხოვა. შეხვედრაზე მდივანმა განაცხადა, რომ სპარსეთიდან დაბრუნების შემდეგ სტალინი მოინახულა და დაჰპირდა მას, რომ საკუთარ შეხედულებებს გადახედავდა, მაგრამ ამის ნაცვლად პირდაპირ ტროცკის ესტუმრა და დაწვრილებით გააცნო სტალინთან მოლაპარაკების საკითხები.
1934
ტიპი: თანამდებობა
1934 წელს თბილისის საბჭოს პლენუმმა საბჭოს წინაშე მდგარი ამოცანების არაბოლშევიკურად გადაჭრისთვის თანამდებობიდან გაათავისუფლა ბაგრატ მაჩაიძე და თბილისის საბჭოს თავმჯდომარედ აირჩია ვალერიან ბაქრაძე.
1934
ტიპი: თანამდებობა
საკავშირო კპ (ბ) ამიერკავკასიის სამხარეო კომიტეტის დადგენილებით, გაზეთის "На рубеже востока" დაუდევარი გაძღოლისა და მასში დაშვებული შეცდომებისათვის გაზეთის რედაქტორი დუდუჩავა სამსახურიდან მოხსნეს. გაზეთის ხელმძღვანელად შეთავსებით დაამტკიცეს ვ. გრიგორიანი.