1918

ტიპი: თანამდებობა

1918 წლის 6 ივნისს შრომის სამინისტრომ საავიაციო პარკს მათი თანამშრომლის ალექსანდრე ძნელძის მიღება-გათავისუფლების საქმის მოეგვარების თხოვნით მიმართა.

1918

ტიპი: ღონისძიება

1918 წლის 6 ივნისს შრომის სამინისტრო მომარაგების კომიტეტს მშრომელთა კომიტეტის თავმჯდომარე გ. დავითიანთან ერთად ,,ადელხანოვის" ქარხნის მუშების ამბულატორიისთვის საჭირო მედიკამენტების სიის დასახელებას სთხოვს.

1918

ტიპი: ღონისძიება

1918 წლის 6 ივნისს უ. ფ. მერცს შრომის მინისტრის თანხმობით მშრომელთა ანაზღაურებისთვის 20000 რუბლი გადაეცა.

1918

ტიპი: თანამდებობა

1918 წლის 3 ივნისს შრომის სამინისტრო წითელი გვარდიის შტაბს „პატფინდერის“ მარკის ავტომობილის მძღოლ ნიკიტა აკოფოვზე ყაზბეგში გასამგზავრებელ ნებართვას სთხოვდა.

1918

ტიპი: თანამდებობა

1918 წლის 8 ივლისს შრომის სამინისტრო დამთვლელ განყოფილებას კომისარიატის თანამშრომელ ნ. გ. ახმეტელოვაზე მისი დანიშვნის დროიდან გაცემული თანხის ცნობის გაცემას სთხოვს.

ტიპი: პირადი ინფორმაცია

15/2/18 ძმაო ვარლამ! დიდი ხანია არ მომიწერია შენთვის, ამის მიზეზია ჯერ ერთი პეტროგრადისგან დაშორება და მეორე მრივ ის დრო რომლის მოწამენი ვართ ორივენი. მე ეხლა სოფელში (ჩვენს ღებში) ვარ დროებით მასწავლებლათ და შეძლების და გვარათ მასწავლებლობ. პეტროგრადიდან ივლისში დავბრუნდი, ჩამოვიარე თბილისში, მაგრამ ვერ გნახე მგონი სოფლად იყავი. უნივერსიტეტი გავათავე, დამრჩა მხოლოდ სახელმწიფო ეგზამენები, მინდოდა ამ გასულ შემადგენლობაში სრულიად გამოვთხოვებოდი პეტერბურგს ე.ი რაც დამრჩა ისიცა ჩამებარებინა, მაგრამ წყალობითა ბოლშევიკებისათა დავრჩი ღებისა დაბასა შინა ….

1914

ტიპი: ავტორობა

1914 წლის 20 მაისს პეტერბურგის უნივერსიტეტის ისტორია-ფილოლოგიის ფაკულტეტის სტუდენტმა მალაქია გრიგოლის ძე გობეჯიშვილმა ძმას პეტერბურგიდან გამოსამგზავრებელი ფულის გაგზავნა სთხოვა.

1914

ტიპი: პირადი ინფორმაცია

1914 წლის 8 ოქტომბერს პეტერბურგის უნივერსიტეტის ისტორია-ფილოლოგიის ფაკულტეტის სტუდენტმა მალაქია გრიგოლის ძე გობეჯიშვილმა ძმას სცხოვრებელი მისამართი (3, მცირე რაზნოჩინაიას ქუჩა, ბინა9) შეატყობინა და სტიპენდიების ამ მისამართზე გაგზვნა სთხოვა.

ტიპი: პირადი ინფორმაცია

გიგზავნით მოწმობას . ს. პეტერბურგის უნივერსიტეტისგან მოცემულს N1779 ამასთანავე გთხოვთ ხვედრი ფული გამომიგზავნოთ პატივისცემით მალაქია გობეჯიშვილი

1941

ტიპი: ავტორობა

1941 წლის 27 იანვარს ჯამბულში გადასახლებულმა თამარ შარაშიძე-ქარცივაძემ თბილისში მისალოცი დეპეშები გამოგზავნა.

1941

ტიპი: ავტორობა

1941 წლის 28 იანვარს ჯამბულში გადასახლებულმა თამარ შარაშიძე-ქარცივაძემ დას, ქრისტინე შარაშიძეს თბილისში გაუგზავნა ღია ბარათი.

1941

ტიპი: ავტორობა

1941 წლის 23 იანვარს ჯამბულში გადასახლებულმა თამარ შარაშიძე-ქარცივაძემ დას, ქრისტინე შარაშიძეს, თბილისში კერძო ხასიათის ღია ბარათი გაუგზავნა.

1941

ტიპი: ავტორობა

1941 წლის 1-ლ იანვარს გადასახლებაში მყოფმა თამარ შარაშიძე-ქარცივაძემ დას, ქრისტინე შარაშიძეს, ჯამბულიდან თბილისში გაუგზავნა ღია ბარათი. მისწერა კერძო საკითხებსა და ოჯახის წევრებისთვის მანამდე გაგზავნილ წერილებზე, რომლებიც სავარაუდოდ დაიკარგა.

1940

ტიპი: ავტორობა

1940 წლის 12 დეკემბერს ყაზახეთში გადასახლებულმა თამარ შარაშიძე-ქარცივაძემ ღია ბარათი გაუგზავნა დას, ქრისტინე შარაშიძეს და მისწერა, როგორი გახარებული და აღელვებული იყო შვილის, ბიბი ქარცივაძის დაოჯახების გადაწყვეტილების შესახებ რომ გაიგო.

1918

ტიპი: ღონისძიება

1918 წლის 28 ნოემბრის მთავრობის სხდომაზე მოისმინეს სახელმწიფო კონტროლიორის მოხსენება რევიზორის ყოფილი თანაშემწის, ვახაჯელიძისთვის საკრედიტო მოწმობის მიცემაზე. როგორც ციმბირის მოქალაქეს უარი ეთქვა.

1918

ტიპი: ღონისძიება

1918 წლის 28 ნოემბრის მთავრობის სხდომაზე მოისმინეს გენერალური სასურსათო საბჭოს თავმჯდომარის ვასილ არდიშვილის მოხსენება, საბჭოს რწმუნებულთათვის სპეკულანტების სურსათ-სანოვაგის რეკვიზიის უფლების მინიჭებაზე. იმ შემთხვევაში, თუ სიმინდი ან სხვა სასურსათო საქონელი აღმოჩენილი იქნებოდა საზღვრიდან გასატანად, რწმუნებულებს უნდა ჰქონოდათ მათი რეკვიზიის უფლება.

1918

ტიპი: ღონისძიება

1918 წლის 28 ნოემბრის მთავრობის სხდომაზე მოისმინეს სასურსათო საბჭოს თავმჯდომარის ვასილ არდიშვილის თხოვნა თბილისის გამგეობისადმი, პირველი საჭიროების ნივთებზე ნიხრის დაწესების შესახებ. 

1918

ტიპი: ღონისძიება

1918 წლის 28 ნოემბრის მთავრობის სხდომაზე მოისმინეს იუსტიციის მინისტრის მოხსენება ყვირილაში მცხოვრები გვარდიელის, მიხეილ მიხეილის ძე აბაშიძის თხოვნის შესახებ და დაადგინეს: შეჩერდეს ყვირილის მომრიგებელი მოსამართლის გადაწყვეტილების – ივა დევდარიანის სახლიდან მიხეილ აბაშიძის გაძევების შესახებ – სისრულეში მოყვანა.

1918

ტიპი: ღონისძიება

1918 წლის 28 ნოემბრის მთავრობის სხდომაზე მოისმინეს იუსტიციის მინისტრის მოხსენება სომხეთის ოლქის სასამართლოს ყოფილი თავმჯდომარის, ი. ა. დავიდოვიჩისთვის 4 859 მან. 49 კაპ. სალიკვიდაციო ფულის მიცემის თაობაზე. ამისთვის იუსტიციის მინისტრს ცალკე კრედიტი გაეხსნა.

1918

ტიპი: ღონისძიება

1918 წლის 28 ნოემბრის მთავრობის სხდომაზე მოისმინეს სამხედრო მინისტრის მოხსენება სამხედრო უწყების მიერ ეროვნული გვარდიისთვის კერძო ბინების გადაცემის შესახებ.

1918

ტიპი: ღონისძიება

1918 წლის 28 ნოემბრის მთავრობის სხდომაზე მოისმინეს სამხედრო მინისტრის მოხსენება ბათუმისა და ფოთის ბრანდვახტების მოხელეებისთვის კუთვნილი ფულის მიცემაზე იმ თვეებში, როცა საქართველოს რესპუბლიკას ემსახურებოდნენ.

1918

ტიპი: ღონისძიება

1918 წლის 28 ნოემბრის მთავრობის სხდომაზე მოისმინეს სამხედრო მინისტრის მოხსენება ტყვეობაში მყოფი ოჯახებისთვის ჯამაგირების მიცემის შესახებ. ამისთვის კრედიტის ანგარიშზე დაარსდა 200 ათასი მან. თანხა.

1918

ტიპი: ღონისძიება

1918 წლის 28 ნოემბრის მთავრობის სხდომაზე მოისმინეს ფინანსთა და ვაჭრობა-მრეწველობის მინისტრ გიორგი ჟურულის მოხსენება საქართველოს ბანკის ორგანიზაციის შესახებ. ფინანსთა და ვაჭრობა-მრეწველობის მინისტრის მოადგილე კონსტანტინე კანდელაკი სამინისტროში მიმდინარე საქმეებიდან გაათავისუფლეს და მიანდეს სახელმწიფო ბანკის ორგანიზაციისთვის მუშაობა.

1918

ტიპი: ღონისძიება

1918 წლის 28 ნოემბრის მთავრობის სხდომაზე მოისმინეს ფინანსთა და ვაჭრობა-მრეწველობის მინისტრის მოხსენება ფოთის ნავსადგურში გერმანელთა მიერ დატოვებული ქვანახშირის, ასევე ავტომობილის მინებისა და სხვა საქონლის გატანის ნებართვის შესახებ.

1918

ტიპი: ღონისძიება

1918 წლის 28 ნოემბრის მთავრობის სხდომაზე მოისმინეს ფინანსთა და ვაჭრობა-მრეწველობის მინისტრის მოხსენება ინჟინერ-გეოლოგ სიმონ არჩილის ძე ციციშვილისთვის 2 500 მანეთის მიცემის შესახებ ოზურგეთის მაზრაში ნავთის ადგილებისა და მათი ტექნიკური გამოკვლევისათვის დასაჯილდოებლად. დაადგინეს: 2 500 მან. კრედიტი გაეხსნას მინისტრს.