1918

ტიპი: თანამდებობა

საქართველოს დემოკრატიული რესპუბლიკის უმაღლესი და საშუალო სასწავლებლის გამგის 1918 წლის 18 ნოემბრის N103 ბრძანებით ანნა კონსტანტინეს ასული ჩხენკელი ქუთაისის ქალთა მეორე გიმნაზიის გერმანული ენის პედაგოგად დაინიშნა.

1918

ტიპი: ღონისძიება

1918 წლის 3 ივნისს ბერლინის საპოლიციო განყოფილებიდან ბერლინის კომენდანტმა, გენერალ-ლეიტენანტმა ფონ ბონინმა გასცა მოწმობა აკაკი ჩხენკელის სახელზე, რომელიც ცხოვრობდა უნთერ დენ ლინდენის N 1-ში. მსგავსი მოწმობა ეძლეოდა მტრული სახელმწიფოების ქვეშევრდომ ყველა მამრობითი და მდედრობითი სქესის მოქალაქეს 15 წლის ასაკიდან. 

1918

ტიპი: თანამდებობა

1918 წლის 14 ნოემბრის საქართველოს დემოკრატიული რესპუბლიკის უმაღლესი და საშუალო სასწავლებლის გამგის N100 ბრძანებით თბილისის ვაჟთა მესამე გიმნაზიის რუსული ენის პედაგოგი გიორგი პავლეს ძე ბონდარენკო თანამდებობიდან გათავისუფლდა.

1918

ტიპი: თანამდებობა

საქართველოს დემოკრატიული რესპუბლიკის უმაღლესი და საშუალო სასწავლებლების მთავარგამგის 1918 წლის 14 ნოემბრის N101 ბრძანებით, დიმიტრი დუმბაძე თბილისის ვაჟთა მეოთხე გიმნაზიის ქართული ენის პედაგოგად დაინიშნა.

1918

ტიპი: თანამდებობა

1918 წლის 18 ნოემბრის საქართველოს დემოკრატიული რესპუბლიკის უმაღლესი და საშუალო სასწავლებლის გამგის N100 ბრძანებით შარვაშ დემირჩოღლიანცი თბილისის ვაჟთა მესამე გიმნაზიის მოსამზადებელი კლასების პედაგოგად დაინიშნა.

1918

ტიპი: ღონისძიება

1918 წლის 22 თებერვალს თბილისში საქართველოს ეროვნული საბჭოს აღმასრულებელმა კომიტეტმა აკაკი ივანეს ძე ჩხენკელის, გიორგი მიხეილის ძე ლასხიშვილისა და გიორგი ბეჟანის ძე გვაზავას სახელზე გასცა მოწმობები, რათა მათ მოლაპარაკებები ეწარმოებინათ უცხო სახელმწიფოების მთავრობათა წარმომადგენლებთან საქართველოს პოლიტიკურ, ფინანსურ და ეკონომიკურ საკითხებზე. დოკუმენტს ხელს აწერენ: საქართველოს ეროვნული საბჭოს აღმასრულებელი კომიტეტის თავმჯდომარე ნოე ჟორდანია, საქართველოს ეროვნული საბჭოს კომიტეტის საქმეთა მმართველის მაგიერ ვლ. ზურაბიშვილი და კომიტეტის მდივანი დავით ნახუცრიშვილი

1918

ტიპი: თანამდებობა

1918 წლის 14 ნოემბრის საქართველოს დემოკრატიული რესპუბლიკის უმაღლესი და საშუალო სასწავლებლის გამგის ბრძანებით გორის ვაჟთა გიმნაზიის ბუნებისმეტყველების პედაგოგი იოსებ ქუმსიშვილი გორის საოსტატო სემინარიაში გადაიყვანეს.

1918

ტიპი: თანამდებობა

1918 წლის 15 ნოემბრის საქართველოს დემოკრატიული რესპუბლიკის უმაღლესი და საშუალო სასწავლებლის გამგის ბრძანებით ბ. კუზანოვი გორის ვაჟთა გიმნაზიის ბუნებისმეტყველების პედაგოგად დაინიშნა.

1918

ტიპი: თანამდებობა

1918 წლის 14 ნოემბრის საქართველოს დემოკრატიული რესპუბლიკის უმაღლესი და საშუალო სასწავლებლის გამგის ბრძანებით ელენე გრიგოლის ასული ჯალაბაშვილი გორის ქალთა გიმნაზიის მათემატიკის პედაგოგად დაინიშნა.

1918

ტიპი: ღონისძიება

1918 წლის 26 მაისს თბილისში საქართველოს რესპუბლიკის მთავრობის თავმჯდომარე ნოე რამიშვილი აძლევს ნებართვას საგარეო საქმეთა მინისტრ აკაკი ჩხენკელს, აწარმოოს მოლაპარაკება გერმანიის, თურქეთის, ავსტრია-უნგრეთისა და ბულგარეთის მთავრობებთან, რათა დამყარდეს მათთან ეფექტური და ხანგრძლივი საერთაშორისო ურთიერთობები. ნებართვას ხელს აწერენ: მინისტრთა საბჭოს თავმჯდომარე ნ. რამიშვილი და საქართველოს რესპუბლიკის მდივანი მ. მღვდლიევი.

1918

ტიპი: თანამდებობა

1918 წლის 14 ნოემბრის საქართველოს დემოკრატიული რესპუბლიკის უმაღლესი და საშუალო სასწავლებლის გამგის ბრძანებით ე.შატბერაშვილი ფოთის ქალთა გიმნაზიის გერმანული ენის მასწავლებლად დაინიშნა.

ტიპი: ღონისძიება

ოვანეს თუმანიანი და დერენიკ დემირჩიანი აპირებდნენ ქართველი პოეტების ლექსები სომხურად ეთარგმნათ და წინგად გამოეცათ.

1920

ტიპი: ღონისძიება

1920 წლის 23 ივლისის გაზეთ „ერთობაში“ სურამის უმაღლესი დაწყებითი სასწავლებლის გამგე ს. კიკაჩეიშვილი მადლობას უხდის ლუარსაბ მურვანიშვილს, რომელმაც 26 მაისს გამართულ სადღესასწაულო საღამოზე სასწავლებელს შესწირა 1000 მან.

1920

ტიპი: გარდაცვალება

1920 წლის 17 ივლისს სოფელ ნასირის სასწავლებლის გამგე ავქსენტი ანტონის ძე გულავა ავადმყოფობის შემდეგ გარდაიცვალა სოფელ ჭალადიდში.

1920

ტიპი: ნასამართლეობა

1920 წლის 21 ივლისს სასამართლოში გენერალ-გუბერნატორ შალვა მაღლაკელიძისა და სხვათა საქმეების გარჩევა დასრულდა. ნაფიცმა მსაჯულებმა შალვა მაღლაკელიძეს და ალექსანდრე აზნაუროვს გამამართლებელი განაჩენი გამოუტანეს, დანარჩენები კი – დამნაშავედ სცნეს. პორუჩიკ საზონ კონდრატის ძე ჩაჩიბაიას ტუსაღთა გამოსასწორებელ რაზმში ორ წელიწადნახევარი მიუსაჯეს.

1920

ტიპი: ღონისძიება

1920 წლის ივლისში მიწათმოქმედების სამინისტრომ საკონცესიო ხელშეკრულება დადო ა. გიზთან მდ. ტყიბულის ჰიდრავლიკური ენერგიის გამოყენების შესახებ. მას მიზნად აქვს ელექტროენერგიის მიღება და გადაცემა ქუთაისის გუბერნიის იმ რაიონებში, სადაც სჭირდებათ.

1920

ტიპი: ღონისძიება

1920 წლის 20 ივლისის „ერთობაში“ გამოქვეყნდა ყარაიაზის მამულის გამგე კიკნაძის განცხადება, რომ ფაეტონში დარჩა პორტფელი საბუთებით და მპოვნელს სთხოვს, გადასცეს სახელმწიფო მამულების განყოფილების გამგე მიხაილ ახალაძეს. ის მპოვნელს ჯილდოდ 1000 მანეთს ჰპირდებოდა.

1920

ტიპი: ავტორობა

1920 წლის 20 ივლისის „ერთობაში“ გამოქვეყნებულ წერილში „მშრომელთა სოციალური დახმარების შესახებ“ გამგეობის პრეზიდიუმი მოქალაქეებს სთხოვს, შეწირულობა არ გადასცენ ისეთ პირებს, რომელთაც არ ექნებათ გამგეობისგან ხელმოსაწერი ფურცელი საზოგადოების ბეჭდით, თავმჯდომარის, ათაბეგოვ-ტუმასისა და მდივნის, დრაევსკაიას ხელმოწერით.

1920

ტიპი: ღონისძიება

1920 წლის 16 ივლისს, დილის 10 სთ-ზე ბათუმში კონსტანტინეპოლიდან ინგლისის ესკადის ადმირალი ხოპი ჩამოვიდა. ინგლისის საზღვაო სარდლობის წარმომადგენელს მიეგება საპატიო ყარაული პოლკ. გეგელაშვილის, განსაკუთრებული კომისრის თანაშემწის გენ. ერისთავის და ინგლისში დანიშნული საქართველოს წარმომადგენლის, დ. ღამბაშიძის მეთაურობით.

1917

ტიპი: ავტორობა

1917 წლის 10 აგვისტოს გაზეთში „ხმა ქართველი ქალისა“ N 18 დაიბეჭდა ექიმი მ. ი. პაკროვსკაიას პუბლიკაცია „საზოგადო ტემპერამენტის მსხვერპლზე“ (რა ზომები უნდა მივიღოთ პროსტიტუციასთან საბრძოლველად), რომელშიც განხილულია პროსტიტუციის გამომწვევი მიზეზები და მასთან ბრძოლის მეთოდები.

1917

ტიპი: ავტორობა

1917 წლის 3 აგვისტოს გაზეთში „ხმა ქართველი ქალისა“ N 17 დაიბეჭდა ექიმი მ. ი. პაკროვსკაიას პუბლიკაცია „საზოგადო ტემპერამენტის მსხვერპლზე“ (მიზეზი პროსტიტუციისა), რომელშიც განხილულია პროსტიტუციის გამომწვევი მიზეზები და მასთან ბრძოლის მეთოდები.

1917

ტიპი: ავტორობა

1917 წლის 27 ივლისის გაზეთში „ხმა ქართველი ქალისა“ (N16) დაიბეჭდა ექიმი პაკროვსკაიას პუბლიკაცია „საზოგადო ტემპერამენტის მსხვერპლზე“ (მიზეზი პროსტიტუციისა) პროსტიტუციის გამომწვევი მიზეზებისა და მასთან ბრძოლის მეთოდების შესახებ.

1922

ტიპი: ავტორობა

1922 წლის 22 იანვარს გაზეთ „ბარრიკადში“ დაიბეჭდა იგორ ტერენტიევის ლექსი „დიდებულია“.

1922

ტიპი: ავტორობა

1922 წლის 22 იანვარს გაზეთ „ბარრიკადში“ დაიბეჭდა ნიკოლოზ მიწიშვილის ლექსი „გადარეცხილ კუბოებზე“.

1922

ტიპი: ავტორობა

1922 წლის 22 იანვარს გაზეთ „ბარრიკადში“ დაიბეჭდა გიორგი ლეონიძის ლექსი „საქართველო“.