რეგისტრირებული ფაქტები76335
სორტირება ახალი ჩანაწერების მიხედვით
1935
ტიპი: ღონისძიება
1935 წლის 29 მაისს თბილისში სოც. შეჯიბრების ხელშეკრულებაზე ხელის მოსაწერად ჩამოვიდა ჩრდ. კავკასიის დელეგაცია სამხარეო აღმასრულებელი კომიტეტის თავმჯდომარე ი. პივოვაროვის მეთაურობით. სტუმრებს დახვდნენ: ამიერკავკასიის სახკომსაბჭოს თავმჯდომარე მუსამბეკოვი, მიწსახკომი ბუნიატ-ზადე, შინსახკომი სტანსკი, პარტიის სამხარეო კომიტეტის წარმომადგენელი გორიაჩევი, პრესის წარმომადგენლები და სხვ.
1935
ტიპი: ღონისძიება
1925 წლის 12 მაისს სადგურ ნეგორელოში მოსკოვში მიმავალი საფრანგეთის საგარეო საქმეთა მინისტრი პიერ ლავალი ჩამოვიდა. მას თან ახლდა სამინისტროს გენერალური მდივანი ლეჟე და კაბინეტის უფროსი რაში. საზღვარზე ლავალს შეეგებნენ საგარეო საქმეთა სახალხო კომისარიატის წარმომადგენელი რეინბერგი და საფრანგეთის ელჩი საბჭოთა კავშირში ალფანი.
1935
ტიპი: ორგანიზაცია
1935 წლის 12 მაისის გაზეთ „კომუნისტის" მიხედვით, საქართველოს საბჭოთა მხატვრების კავშირის გამგეობამ ჩამოაყალიბა მხატვრობის კრიტიკოსთა სექცია და წევრებად დაამტკიცა: შ. დუდუჩავა (თავმჯდომარე), დიმიტრი ჯანელიძე (მდივანი), დავით ნესტორის ძე კაკაბაძე, შალვა ამირანაშვილი, გრიგოლ ვარდენის ძე ბუხნიკაშვილი, რ. თავაძე, ბენიამინ გორდეზიანი, ლ. ქიქოძე, მ. თალაკვაძე, გ. სახაროვი, ვ. ბოკუჩავა.
1927
ტიპი: ღონისძიება
1927 წლის 30 აგვისტოს თბილისში, ხელოვნების სახლში, გამართულ მწერალთა კავშირისა და ხელოვნების კომიტეტის პრეზიდიუმების გაერთიანებულ სხდომაზე აირჩიეს კოტე მაყაშვილის დამკრძალავი კომიტეტის წევრები: სპირიდონ თოდრია, ივანე ჯავახიშვილი, კორნელი კეკელიძე, გრიგოლ რცხილაძე, ზაქარია ფალიაშვილი, ლუარსაბ ანდრონიკაშვილი, ილია ზურაბიშვილი, ალექსანდრე ახმეტელი, რაჟდენ დუმბაძე, იაკობ ნიკოლაძე, კონსტანტინე მარჯანიშვილი.
1935
ტიპი: თანამდებობა
1935 წელს ქართველი საბჭოთა მხატვრების კავშირის გამგეობის დადგენილებით, ჩამოყალიბდა ქართული მხატვრობის ისტორიის შემსწავლელი სექცია, რომლის წევრებად დამტკიცეს: გრიგოლ ბუხნიკაშვილი (თავმჯდომარე), იაკობ ნიკოლაძე, დავით კაკაბაძე, შალვა ამირანაშვილი და ლ. ქიქოძე (პასუხისმგებელი მდივანი). სექცია მიზნად ისახავდა მხატვართა ცხოვრებიდან ფაქტობრივი მასალების შეგროვებას.
1935
ტიპი: ღონისძიება
1935 წლის 2 მაისს თურქეთის პრეზიდენტის ქემალ ათათურქის მიერ გამართულ საზეიმო დარბაზობას ესწრებოდნენ: პრემიერი ისმეთ ინეინუ, საბჭოთა კავშირის სრულუფლებიანი წარმომადგენელი თურქეთში ლევ კარახანი, ბალკანეთის ანტანტის ეკონომიკური საბჭოს წევრები, თურქეთის გამოჩენილი სახელმწიფო მოღვაწეები და თურქეთში საგასტროლოდ გამგზავრებული საბჭოთა მსახიობთა ანსამბლი.
1935
ტიპი: ღონისძიება
1935 წლის პირველ მაისს თბილისში ჩატარებულ აღლუმზე სიტყვით გამოვიდნენ კავკასიის წითელდროშოვანი არმიის სარდალი მიხეილ ლევანდოვსკი, მუსამბეკოვი და ფილიპე მახარაძე.
1927
ტიპი: ღონისძიება
1927 წელს თბილისს ეწვივნენ საბჭოთა კავშირის სრულუფლებიანი წარმომადგენელი სპარსეთში დავითიანი და მისი მრჩეველი ლოგანოვსკი. მათ შეხვდა სსრკ-ის სახკომის რწმუნებულის მოვალეობის შემსრულებელი კვიტაშვილი.
1935
ტიპი: გარდაცვალება
1935 წლის 14 აპრილს გარდაიცვალა საკ. კ.პ.(ბ) ა.-კ. სამხარეო კომიტეტის ბიუროს წევრობის კანდიდატი, სსრ კავშირის ცაკ-ის წევრი, ა.-კ. ს.ფ.ს. რესპუბლიკის ცაკ-ის პრეზიდიუმის წევრი, თბილისის მუშათა, გლეხთა და წითელარმიელთა დეპუტატების საბჭოს თავმჯდომარე სიმონ პილატეს ძე ჯუღელი.
1935
ტიპი: თანამდებობა
ა.კ. ცაკ-ის პრეზიდიუმის დადგენილებით ამხ. ა.ე.ასათიანი ა.კ. ს.ფ.ს-ის რესპუბლიკის ადგილობრივი მრეწველობის სახალხო კომისრის მოადგილედ დაამტკიცეს.
1934
ტიპი: ნასამართლეობა
1934 წლის 4 ივნისის გაზეთ „კომუნისტში“ დაიბეჭდა წერილი ფასანაურის სასოფლო საბჭოს თავმჯდომარე ისიდორე ტუჩაშვილის შესახებ, რომელსაც ბრალად ედებოდა სახელმწიფოს კუთვნილი თანხის (3500 მანეთი) გაფლანგვა. პროკურატურის ცნობით, ეს ფაქტი დადასტურდა და ტუჩაშვილს მიესაჯა თავისუფლების აღკვეთა 4 წლით.
1935
ტიპი: ღონისძიება
1935 წლის 8 მარტის გაზეთ „კომუნისტის" მიხედვით, კლიმენტი სულავა (რიონჰესის სამმართველოს უფროსი) გარიცხეს კომუნისტური პარტიიდან ტროცკისტულ ოპოზიციასთან თანამშრომლობის ბრალდებით, რადგან იგი ბრალს არავის სდებდა და არც პარტიულ კრებებზე იბრძოდა კონტრრევოლუციური ტროცკიზმის წინააღმდეგ.
1935
ტიპი: ორგანიზაცია
1935 წლის 10 იანვრის გაზეთ „კომუნისტის" მიხედვით, საქართველოს საბჭოთა მწერლების სამდივნომ თავდაცვითი ლიტერატურის სექციის ბიუროს წევრებად დაამტკიცა: პლატონ იოსების ძე მიროტაძე, გალაკტიონ ვასილის ძე ტაბიძე, პაოლო (პავლე) ჯიბრაილის ძე იაშვილი, არჩილ ჩაჩიბაია, ალექსი გომიაშვილი.
1935
ტიპი: ღონისძიება
სამედიცინო დასკვნის მიხედვით, ვ. კუიბიშევის სიკვდილი გამოიწვია გულის მარჯვენა არტერიის შეკუმშვამ შედედებული სისხლით (თრომბით), რომელიც გაჩნდა მკვეთრად გამოხატული საერთო არტერიოსკლეროზის შედეგად, რამაც განსაკუთრებით ძლიერ დააზიანა გულის გვირგვინოვანი არტერია.
1935
ტიპი: გარდაცვალება
1935 წლის 25 იანვარს კარდიოსკლეროზით გარდაიცვალა საკავშირო კომუნისტური პარტიის (ბ) ცენტრალური კომიტეტის პოლიტბიუროს წევრი, საბჭოთა სოციალისტური რესპუბლიკის სახალხო კომიტეტის საბჭოსთან არსებული კონტროლის კომისიის თავმჯდომარე ვალერიან ვლადიმერის ძე კუიბიშევი.
1935
ტიპი: ღონისძიება
1935 წლის 8 იანვარს საქართველოს კპ (ბ) თბილისის კომიტეტის პარტკაბინეტში მოიწვიეს თბილისის ორგანიზაციების პარტიულ-კომკავშირული ქსელის საკავშირო კომუნისტური პარტიის (ბ) ისტორიის შემსწავლელი წრეების პროპაგანდისტთა კონფერენცია. მოხსენება თემაზე „პარტიის ისტორიის პროპაგანდის საკითხები" წაიკითხა შახსუვაროვმა.
1935
ტიპი: ღონისძიება
1935 წლის თებერვალში კომუნისტის მუშა-კორესპონდენტებმა – ა. კვირკველიამ, ტ. პატულოვამ, ი. კალაძემ, მ. ჭარხალაშვილმა, მ. სიხარულიძემ, ე. ჩიგოგიძემ, კ. გაბუნიამ, ჯახუტაშვილმა, წეველიძემ, ტერტერაშვილმა, მ. ქვირიამ, ლ. ისელიძემ, მ. არუთინოვმა, ჟესანოვმა, ე. ბერიაშვილმა, მ. სამხარაძემ და მ. მახარაძემ – სხვადასხვა ორგანიზაციაში რეიდი მოაწყვეს. აღმოჩნდა, რომ ორგანიზაციები უყურადღებოდ ეპყრობოდნენ რედაქციის მიერ მათთვის რეაგირების მიზნით გაგზავნილ წერილებს.
1927
ტიპი: თანამდებობა
1927 წელს პეტრე აღნიაშვილი N2 ქართული დივიზიის მეთაური და სამხედრო კომისარი იყო.
1927
ტიპი: გარდაცვალება
1927 წლის 22 მარტს, 8 საათსა და 10 წუთზე, გარდაიცვალა დამსახურებული პროფესორი პეტრე მელიქიშვილი.