რეგისტრირებული ფაქტები72138
სორტირება ახალი ჩანაწერების მიხედვით
1928
ტიპი: თანამდებობა
ალექსანდრე ყამარაული 1928 წელს ამიერკავკასიის ფოსტა-ტელეგრაფის კომისრის მოადგილედ მუშაობდა.
1924
ტიპი: მფლობელობა
1924 წელს ნიკოლოზ ნიკოლოზის ძე კვერნაძეს სამტრედიაში ჰქონდა საკუთარი სახლი და მიწა.
1924
ტიპი: პირადი ურთიერთობა
1924 წელს დაპატიმრებულ ნიკოლოზ კვერნაძეს ჰყავდა დედა მ. ოვანოვა – 50 წლის, დიასახლისი, მცხოვრები აბაშაში; მეუღლე, მარია სიმონის ასული აბდუშელაშვილი – 25 წლის, მოსწავლე, მცხოვრები თბილისში.
1924
ტიპი: ნასამართლეობა
1924 წლის 21 იანვარს დაპატიმრებული მწერალი და დრამატურგი ნიკოლოზ ნიკოლოზის ძე კვერნაძე მეტეხის N2 გამოსასწორებელ სახლში მოათავსეს.
1924
ტიპი: ნასამართლეობა
1924 წლის 15 მაისს განიხილეს ნიკოლოზ ნიკოლოზის ძე კვერნაძის ძიების საქმე. დადასტურებულად ჩათვალეს მისი, როგორც სოციალ-დემოკრატიული პარტიის თბილისის სამაზრო კომიტეტის წევრის და აქტიური ა/ს მომუშავის ბრალეულობა და მოითხოვეს კვერნაძის 3 წლით დაპატიმრება იზოლაციის წესით, წინასწარი დაკავების ვადის დაუთქმელად.
1924
ტიპი: ნასამართლეობა
1924 წლის პირველ აპრილს სასამართლომ უპასუხოდ დატოვა ნიკოლოზ კვერნაძის მეუღლის, მარია აბდუშელაშვილის განცხადება, ასევე მწერალთა კავშირის შუამდგომლობა ძიების დაჩქარებისა და კვერნაძის გათავისუფლების შესახებ.
1924
ტიპი: ნასამართლეობა
1924 წლის 21 იანვარს საქართველოს ჩეკას მიერ დაკავებული ნიკოლოზ კვერნაძის არალეგალური საქმიანობის შესახებ ძიებას ჰქონდა მრავალი აგენტურული შეტყობინება; ჩეკამ ასევე მოახერხა დაპატიმრებული დავით ქავთარაძისგან მიეღო დადასტურებული ჩვენება.
1924
ტიპი: თანამდებობა
1924 წელს ნიკოლოზ კვერნაძე დაპატიმრების დღეს დაკითხა საქართველოს ჩეკას N1 საიდუმლო განყოფილების რწმუნებულის თანაშემწე ბესარიონ მელიქაძემ.
1924
ტიპი: ღონისძიება
1924 წლის იანვარში ნიკოლოზ კვერნაძის დაპატიმრების გადაწყვეტილება საქართველოს ჩეკას N1 საიდუმლო განყოფილების რწმუნებულის თანაშემწემ, ბესარიონ მელიქაძემ მიიღო.
1914
ტიპი: პირადი ინფორმაცია
ნიკოლოზ კვერნაძე 1914-1918 წლებში მუშაობდა ჭიათურაში კავკასიური საზოგადოების მეტაბელედ, შემდეგ – სამტრედიაში, კოოპერატივში; 1916-1917 წლებში სამხედრო სამსახურში იყო; 1917-1924 წლამდე ეწეოდა კულტურულ-საგანმანათლებლო საქმიანობას; 1917-1921 წლებში სამტრედიის სახალხო გვარდიის შტაბის თავმჯდომარის თანაშემწე იყო; 1924 წელს მუშაობდა ქართული დრამატული საზოგადოების გამგეობის მდივნად.
1924
ტიპი: ნასამართლეობა
1924 წლის 21 იანვარს ნიკოლოზ კვერნაძე დააპატიმრეს თბილისში ზუბალოვის სახალხო სახლის (ქართული დრამატული საზოგადოების) სარეგისტრაციო დარბაზში საქართველოს ჩეკას N6617 ორდერის საფუძველზე.
1913
ტიპი: ორგანიზაცია
1913-დან 1923 წლის პირველ სექტემბრამდე ნიკოლოზ (კოლია) ნიკოლოზის ძე კვერნაძე, პარტიული ფსევდონიმით გედი, საქართველოს სოციალ-დემოკრატიული მუშათა პარტიის (სსდმპ) წევრი იყო.
1916
ტიპი: ნასამართლეობა
1916 წელს ნიკოლოზ ნიკოლოზის ძე კვერნაძე დააპატიმრეს ჭიათურაში როგორც საგაფიცვო ბიუროსა და სოციალ-დემოკრატიული პარტიის წევრი.
1893
ტიპი: პირადი ინფორმაცია
ნიკოლოზ ნიკოლოზის ძე კვერნაძე, გლეხი, დაიბადა 1893 წლის მაისში ქუთაისის გუბერნიაში, სამტრედიის მაზრის სოფ. სამტრედიაში.
1924
ტიპი: ნასამართლეობა
1924 წლის 27 აპრილს დახვრეტის განაჩენის გამოტანის შემდეგ ალექსანდრე ჯანდიერი თბილისის ჩეკაში გადაიყვანეს.
1924
ტიპი: პირადი ურთიერთობა
1924 წელს დაპატიმრებულ ალექსანდრე გიორგის ძე ჯანდიერს ჰყავდა დედა, ვერა ალექსანდრეს ასული – 49 წლის, დიასახლისი, მცხოვრები ახმეტაში; მეუღლე, ქეთევან რევაზის ასული – 28 წლის, მიწის მუშა და კანცელარიის თანამშრომელი; ქალიშვილები: ნატალია – 5 (6) წლის; ვერა – 3(4) წლის; ნუცა – 1 წლის.
1924
ტიპი: ნასამართლეობა
საქართველოს ჩეკას დადგენილების მიხედვით, 1924 წლის აპრილში ალექსანდრე ჯანდიერს დახვრეტის განაჩენი გამოუტანეს.
1924
ტიპი: ღონისძიება
1924 წლის თებერვალში დაპატიმრებულმა ალექსანდრე ჯანდიერმა ივანე ექვთიმიშვილთან დაპირისპირების შემდეგ შეცვალა ჩვენება და დაადანაშაულა, რომ მან იცოდა ქაქუცას ახმეტაში გადმოსვლის შესახებ. ასევე მოჰყვა, როგორ სვამდა ექვთიმიშვილი ქაქუცა ჩოლოყაშვილის სადღეგრძელოს.
1924
ტიპი: ნასამართლეობა
1924 წლის მარტში ჯანდიერის ჩვენების საფუძველზე დააკავეს ფირუზ ჩლუკიშვილი (სარქისაშვილი) და ივანე ექვთიმიშვილი (ჯიგუნის ბიჭი).
1924
ტიპი: ღონისძიება
1924 წლის 31 მარტის საქარველოს ჩეკას დადგენილების მიხედვით, ალექსანდრე ჯანდიერს ბრალი დაუმტკიცდა რომან ყანჩაველის ჩვენებაზე დაყრდნობით. ჩვენებაში ნათქვამია, რომ ქაქუცას ჯანდიერმა აცნობა ფოსტის გავლის შესახებ, ჯერ შეცდომით, მაგრამ რამდენიმე დღეში მისცა სწორი მინიშნება, რის შემდეგაც რაზმმა გაძარცვა ფოსტა და გაიტაცა ცხენი, ხურჯინი და 100 მილიონი მანეთი.
1924
ტიპი: ღონისძიება
1924 წლის მარტში საქართველოს ჩეკამ დაკითხა გრიგოლ გვერდწითელი. ის ადანაშაულებდა ალექსანდრე ჯანდიერს, რომ ქაქუცა ჩოლოყაშვილის ბანდას ტანსაცმლით, თამბაქოთი და ნივთებით ამარაგებდა. მისი ჩვენებით, ჯანდიერმა ქაქუცას მაუზერი შეაკეთებინა.
1924
ტიპი: პირადი ურთიერთობა
1924 წლის მარტში საქართველოს ჩეკას მიერ დაკითხული გრიგოლ გვერდწითელის ჩვენების მიხედვით, ალექსანდრე ჯანდიერი იყო ქაქუცა ჩოლოყაშვილის ბიძაშვილი დედის მხრიდან.
1924
ტიპი: ღონისძიება
1924 წლის 22 მარტს ალექსანდრე ჯანდიერი სწერს თელავის პოლიტბიუროს, რომ ჩოლოყაევს შეხვდა მელაანის ტყეში მხოლოდ ერთხელ და უარყოფს რაიმე სახის დახმარების გაწევას.