რეგისტრირებული ფაქტები72396
სორტირება ახალი ჩანაწერების მიხედვით
1924
ტიპი: პირადი ურთიერთობა
1924 წლის 7 აპრილს დაკავებულ ევგენი იოსების ძე ძიძიგურს ჰყავდა: ცოლი, ოლია – 23 წლის, დიასახლისი; დედა, კატო – 60 წლის, მცხოვრებნი სოფელ საჭიდაოში.
1924
ტიპი: ორგანიზაცია
1924 წლის 7 აპრილამდე (დაპატიმრებამდე) ევგენი ძიძიგური სამტრედიის რაიონული კომიტეტის პრეზიდიუმისა და მე-3 ინტერნაციონალის წევრი იყო.
1924
ტიპი: ნასამართლეობა
1924 წლის 7 აპრილს ქუთაისის პოლიტბიუროს უფროსმა ევგენი იოსების ძე ძიძიგური დააკავა.
1919
ტიპი: ავტორობა
1919 წლის 24 სექტემბრის გაზეთ „საქართველოს რესპუბლიკის“ ცნობით, შინაგან საქმეთა მინისტრის ნოე ბესარიონის ძე რამიშვილის განკარგულებით, აჭარის დელეგაციის ამერიკის ახლო აღმოსავლეთთან ურთიერთობის კომიტეტის თავმჯდომარესთან, უილიამ ჰასკელთან მოლაპარაკების ოქმის გაჟონვის გამო გაზეთი „ვოზროჟდენიე“დახურეს.
1919
ტიპი: თანამდებობა
1919 წლის 22 სექტემბრის მთავრობის სხდომაზე გადაწყდა, რკინიგზის დროებით გენერალ-გუბერნატორად, მილიციის უფროსის თანამდებობაზე დატოვებით, დაენიშნათ ვ. სულაქველიძე.
1919
ტიპი: ღონისძიება
1919 წლის 26 სექტემბრის გაზეთ „საქართველოს რესპუბლიკის“ ცნობით, ფოთის საკათედრო ტაძარმა ზეიმით გადაიხადა ტაძრის დღესასწაული. წირვისა და პარაკლისის შემდეგ კინოთეატრ „კომეტაში“ დეკანოზმა იოანე ბობოხიძემ წაიკითხა ლექცია სახელმწიფოსაგან ეკლესიის გამოყოფის შესახებ. შეხვედრას ბევრი ხალხი დაესწრო.
1919
ტიპი: თანამდებობა
განათლების სამინისტროს დადგენილებით კუკიის უმაღლესი დაწყებითი სასწავლებელის გამგედ დაინიშნა კონჩევსკაია.
1919
ტიპი: ღონისძიება
1919 წლის სექტემბერში სახალხო გვარდიის წარმომადგენელთა I ყრილობაზე გადაწყდა, რომ გვარდიელთა სამკერდე ნიშნის მხატვრისა და პროექტის ავტორ იაკობ ნიკოლაძისთვის 2000 მანეთი გადაეცათ.
1919
ტიპი: ღონისძიება
1919 წლის სექტემბერში მომარაგების მთავარმა სამმართველომ მიიღო გერმანული ფირმების „კორსის“ და „ემესგან“ შეძენილი 59 ვაგონი საქონელი – საგაზეთო, საფოსტო, საკანცელარიო და საკრედიტო ბილეთების ქაღალდები, სალითოგრაფიო საღებავი და მოწყობილობა და სხვ. საქონლის განაწილების გეგმა შრეიდერმა დაამუშავა.
1918
ტიპი: ავტორობა
1918 წლის 12 ივნისის გაზეთ „საქართველოს“ ცნობით, საქართველოს რესპუბლიკის ჯარების უფროსის, გენერალ-მაიორ გიორგი ივანეს ძე კვინიტაძის ბრძანებით: ა) საქართველოს ყველა ტიპის ჯარში უნდა აღდგეს სამხედრო მისალმება, როგორც სამსახურის დროს, ისე სამსახურის გარეთ. ხარისხითა და წოდებით უფროსი მოვალეა პირველი მიესალმოს. ბ) იგივე წესი ვრცელდება უცხო სახელმწიფოთა სამხედრო პირების მიმართ, რომლებიც საქართველოს მიწა-წყალზე იქნებიან და სამხედრო ფორმას ატარებენ. გ) სამხედრო მისალმების ნიშნად მარჯვენა ხელი ქუდამდე უნდა მიიტანონ.
1919
ტიპი: ღონისძიება
1919 წლის სექტემბერში ინგლისის ჯარების გადამყვანმა ელკინსმა დეპეშა გამოგზავნა, რომელშიც მადლობას უხდის გზათა უფროსს კანდელაკს, ებლოვს და ცქიტიშვილს.
1918
ტიპი: ღონისძიება
1918 წელს ქართველ სამხედრო ქალ-ვაჟთა მომღერალთა გუნდმა ნიკო სულხანიშვილის ლოტბარობით და ვანო სარაჯიშვილისა და ვარდენ ლორთქიფანიძის მონაწილეობით ქართველ კომპოზიტორთა ნაწარმოებები შეასრულა.
1924
ტიპი: პირადი ურთიერთობა
1924 წელს დაკავებულ გიორგი მიხეილის ძე ჭკადუას ჰყავდა: მამა, მიხეილი – 60 წლის, მიწის მუშა, დედა, მენიკი – 63 წლის, დიასახლისი; და, ივლიტა – 31 წლის; ძიძა, დარიკო – 55 წლის; მცხოვრებნი ახალსენაკში ქუთაისის ქუჩა N7-ში.
1921
ტიპი: ორგანიზაცია
1921-1922 წლებში გიორგი მიხეილის ძე ჭკადუა თბილისში გაგზავნეს, სადაც მილიციის მე-7 კომისარიატში დაიწყო მუშაობა.
1924
ტიპი: თანამდებობა
1924 წლის აჯანყების მონაწილე გიორგი მიხეილის ძე ჭკადუა მენშევიკების დროს პრაპორშიკი იყო.
1919
ტიპი: თანამდებობა
სომეხ-ქართველთა კონფერენციაზე ნეიტრალური ზონის საკითხთან დაკავშირებით მთავრობის წარმომადგენლებად დაინიშნენ: შინაგან საქმეთა და სამხედრო მინისტრი ნოე რამიშვილი, საგარეო საქმეთა მინისტრის მოადგილე კ. საბახტარიშვილი და დამფუძნებელი კრების წევრი სიმონ მდივანი.
1921
ტიპი: ორგანიზაცია
1921 წლამდე გიორგი მიხეილის ძე ჭკადუა იყო ნაციონალ-დემოკრატი, შემდეგ – უპარტიო.
1924
ტიპი: ნასამართლეობა
1924 წელს გიორგი მიხეილის ძე ჭკადუა დააპატიმრეს სენაკში, ქუთაისის ქუჩის N7-ში.