რეგისტრირებული ფაქტები72127
სორტირება ძველი ჩანაწერების მიხედვით
1935
ტიპი: ღონისძიება
12-დან 16 სექტემბრამდე ფრუნზეს სახელობის ქართული მსროლელი დივიზიის მეორე შეერთებულმა ათასეულმა უაღრესად რთულ პირობებში, სრული აღჭურვილობით დალაშქრა ყაზბეგის მწვერვალი და მასზე აღმართა ამხ. სტალინის ბიუსტი. სრულიად საქართველოს ცაკ-მა და საქ. სსრ სახკომსაბჭომ დაადგინა: 1. გამოეცხადოს მადლობა ათასეულის მთელ შემადგენლობას 2. მწვერვალის დაძლევის ის მონაწილეები, რომელთაც განსაკუთრებით გამოიჩინეს თავი, დააჯილდოვეს საქართველოს ცენტრალური აღმასრულებელი კომიტეტის სიგელითა და ფულადი პრემიით.
1935
ტიპი: ორგანიზაცია
1935 წლის შემოდგომაზე ხონის პარტორგანიზაციის პარტდოკუმენტების შემოწმების შედეგად აღმოაჩინეს, რომ ყოფილი ტროცკისტი დავით ხუროძე პარტიას წარსულს უმალავდა და ის პარტიიდან გარიცხეს.
1935
ტიპი: თანამდებობა
1935 წლის 5 ოქტომბერს თბილისში ჩამოვიდა გერმანიის ელჩი სსრ კავშირში გრაფი ფონ-დერ შულენბურგი.
1935
ტიპი: თანამდებობა
1935 წელს ფერომარგანეცის ქარხნის დირექტორმა, ვასო მზარეულაშვილმა ისაუბრა ქარხანაში არსებულ მდგომარეობასა და სამომავლო გეგმებზე.
1935
ტიპი: თანამდებობა
1935 წლის 6 ოქტომბერს ასტახოვმა საგარეო საქმეთა სახალხო კომისარიატის რწმუნებულის შენობაში გამართა სადილი გერმანიის ელჩის პატივსაცემად. ელჩმა თბილისი დაათვალიერა და 8 ოქტომბერს ერევანს გაემგზავრა.
1935
ტიპი: პირადი ურთიერთობა
1935 წლის 17 ოქტომბერს ი. სტალინი თბილისში დედის სანახავად ჩავიდა, მთელი დღე მასთან გაატარა, ღამით კი მოსკოვში გაემგზავრა.
1935
ტიპი: ღონისძიება
1935 წლის შემოდგომაზე ქართველმა მწერლებმა – პაოლო იაშვილმა, ტიციან ტაბიძემ, გალაკტიონ ტაბიძემ, მიხეილ ჯავახიშვილმა, შალვა დადიანმა და კონსტანტინე ლორთქიფანიძემ – ამიერკავკასიის დეპეშათა სააგენტოს თანამშრომელს გააცნეს ახალი შრომები, რომლებსაც ისინი რევოლუციის 18 წლისთავისთვის ამზადებდნენ და გეგმების შესახებაც ისაუბრეს.
1935
ტიპი: ღონისძიება
1935 წლის 3 ნოემბერს გამართულ თბილისის რკინიგზის კვანძის სტახანოველთა პირველ შეკრებას ესწრებოდნენ: ჭიჭინაძე, ნალიაპინი, მამულაშვილი, ნეფარეიშვილი, კიკნაძე და შიმანსკი. ჩამოვიდნენ ბაქოსა და კიროვობადის დელეგაციები. შეკრება გახსნა დარსაძემ, სიტყვით გამოვიდა პავერმანი.
1927
ტიპი: თანამდებობა
1927 წელს პ. მეგრელიშვილი იყო საქართველოს სსრ სახალხო კომისართა საბჭოს საქმეთა მმართველი, ხოლო სიმონ ჯუღელი – მოადგილე.
1927
ტიპი: თანამდებობა
1927 წელს სტეფანე იოხამის ძე ბროდოვსკი გერმანიაში საბჭოთა საქართველოს წითელი ჯვრის ორგანიზაციას წარმოადგენდა.
1927
ტიპი: თანამდებობა
1927 წელს სარგის კაკაბაძე სიძველეთა ხელოვნებისა და ბუნების ძეგლთა დაცვის განყოფილების ინსტრუქტორად მუშაობდა.
1927
ტიპი: თანამდებობა
1927 წელს ტევფიკ ბეი გახდა ოსმალეთის რესპუბლიკის სრულუფლებიანი წარმომადგენელი საქართველოში.
1935
ტიპი: თანამდებობა
1935 წელს, სსრკ-ის ცენტრალური აღმასრულებელი კომიტეტის დადგენილებით, საბჭოთა კავშირის მარშლის წოდება მიენიჭათ კლიმენტი ვოროშილოვს, მიხეილ ტუხაჩევსკისა და ალექსანდრე ეგოროვს.
1935
ტიპი: ღონისძიება
1935 წლის 2 დეკემბერს მ. გობეჩიას თავმჯდომარეობით სტახანოვური მოძრაობის თაობაზე გამართულ თათბირს ესწრებოდნენ: ვ. ბაქრაძე, ყუჯიაშვილი, აფრიაშვილი, ვ. მაჭავარიანი, ბარქაია, თოთიბაძე, პუგაჩოვი, სიტნიკოვი, ახალაძე, ჯავარიძე, კარაპეტიანი, მურადოვი და შარია.
1935
ტიპი: თანამდებობა
1935 წელს ამიერკავკასიის რკინიგზის პოლიტგანყოფილების უფროსს, პავერმანს დაევალა განეხილა გაზეთ „სტალინური ლოკომოტივის“ რედაქტორის საკითხი, რომელმაც დაუშვა ისეთი გაზეთის გავრცელება, რომელშიც სტალინის სიტყვა დამახინჯებული იყო.
1935
ტიპი: ავტორობა
ვალ. მგალობლიშვილის სტატიაში, „ლიტერატურული მემკვიდრეობის შეფასებისათვის“, გაკრიტიკებულია ის ავტორები, რომლებიც „სთესდნენ სიძულვილს ქართველი კლასიკოსების მიმართ“. ისინი ქართული ლიტერატურის ძეგლების შეფასებისას იშველიებდნენ ჩვენი პარტიული კრიტიკის წარმომადგენლების და კერძოდ, ამხ. ფ. მახარაძის შრომებს ლიტერატურის საკითხებზე. იმ შრომებს, სადაც არასწორი, არსებითად ლიკვიდატორული აზრებია გამოთქმული ქართველ კლასიკოსებზე.
1935
ტიპი: ღონისძიება
1935 წლის 23 დეკემბერს მშენებლობის საკითხებზე გამართულ პარტიულ თათბირს ესწრებოდნენ თბილისის სამშენებლო ორგანიზაციათა ხელმძღვანელები, ინჟინერ-ტექნიკოსები და მუშა სტახანოველები – პარმენ წულუკიძე, ვ. ბაქრაძე, გერმან მგალობლიშვილი, ს. კუდრიავცევი, გ. არუთინოვი, გიორგი სტურუა, მ. გობეჩია, გიორგი ყურულაშვილი, ილუშინი, ბუდიკაშვილი, ავერბახი, მორეტი, კვინიხიძე, დაბროტინი, შენდეროვი, ოდიშარია, ეროგინი, ზავრიევი, მ. ნიორაძე და თევდორაძე.
1928
ტიპი: ღონისძიება
1928 წლის 7 თებერვალს თბილისში გამართულ სპარსეთ-საბჭოთა სარკინიგზო კონფერენციას ესწრებოდნენ კარკლინი, ივანოვი, ბერიძე, ალი-ხან-ზახირი, მირზა-სეიდ-ალი-ხან-ნაზრი და ჯალილ-ხან-ხაშიმ-ზადე. კონფერენცია მიზნად ისახავდა ორ ქვეყანას შორის სარკინიგზო მიმოსვლის მოწესრიგებას.
1928
ტიპი: ღონისძიება
1928 წლის 20 თებერვალს საქართველოს ადგილობრივი ტრანსპორტის სამმართველოსთან შედგა ავტონომიური რესპუბლიკების, სამაზრო აღმასკომების წარმომადგენლებისა და ადგილობრივი ტრანსპორტის სამმართველოს უბნის უფროსების შეხვედრა, რომელიც შეეხებოდა ადგილობრივი მნიშვნელობის გზების მშენებლობას.
1928
ტიპი: ღონისძიება
1928 წლის აპრილში ანდრეევის ჩრდილოეთ კავკასიაში გადასვლის გამო საკ. კ.პ.(ბ) ცკ-ის და ცენტრალური საკონტროლო კომისიის პლენუმმა გაათავისუფლა იგი ცკ-ის საორგანიზაციო ბიუროს წევრის მოვალეობისგან და მის მაგიერ აირჩიეს ბაუმანი. ცკ-ის საორგანიზაციო ბიუროს კანდიდატად კი – ანტიპოვი.
1928
ტიპი: ღონისძიება
1928 წლის გაზაფხულზე დაიწყო სტუდენტთა სამხედრო ლაშქრობა, რომლის მიზანიც მათთვის ბრძოლის საშუალებების გაცნობა და იმ ცოდნის პრაქტიკული გამოყენება იყო, რომელიც ზამთრის განმავლობაში შეიძინეს. ლაშქრობას ამიერკავკასიის ქვეითი სკოლის უფროსთა შემადგენლობა ხელმძღვანელობდა: კლემენტიევი, ბოგდანოვი, გედევანიშვილი, სერიოდკინი, ხაბუკოვი, სოკოლოვსკი.
1928
ტიპი: თანამდებობა
1928 წელს წყალთა სამმართველოს უფროსი ბესარიონ გოგია წყალდიდობასთან მებრძოლი საგანგებო სამეულის წევრად დაინიშნა.
1928
ტიპი: ღონისძიება
1928 წლის გაზაფხულზე მარიამ ორახელაშვილის თავმჯდომარეობით ხევსურეთში ახალი სკოლებისა და სამკურნალოების ასაგებად მთავრობის მიერ დაარსებულმა კომისიამ მოიწვია სპეციალური სხდომა, რომელსაც ესწრებოდნენ: ალექსი ყამარაული, სუჯიაშვილი, ივანე ფრანგულიანი, გ. თედორაძე და ს. ფანცხავა. ორახელაშვილმა წაიკითხა მოხსენება სკოლებისა და სამკურნლო დაწესებულებების გახსნის შესახებ. ა. კალაშნიკოვს პროექტის მომზადება და ტექნიკური ზედამხედველობა დაევალა.
1927
ტიპი: ავტორობა
1927 წელს ცკ-ის ბრძანებით, ანტირელიგიური პროპაგანდის გააქტიურებასთან დაკავშირებით მოხსენებები და ლექციები უნდა წაკითხულიყო. ბიბლიოთეკებსა და ქოხ-სამკითხველოებში გამოეფინათ ანტირელიგიური ლიტერატურა; მოეწყოთ გასართობები, რათა ხალხი რელიგიური დღესასწაულების აღსანიშნავად არ წასულიყო. განცხადებას ხელს აწერდნენ საქართველოს ცკ-ის მდივანი, გიორგი ყურულაშვილი და აგიტპროპაგანდის განყოფილების გამგის მოადგილე, კ. მეგრელიძე.
1927
ტიპი: ნასამართლეობა
1927 წლის დეკემბერში სოცუზრუნველყოფის სახალხო კომისარიატის საკლუბო კომისიის დირექტორი სოლომონ ახვლედიანი საქართველოს უზენაესმა სასამართლომ თანამდებობის ბოროტად გამოყენებისთვის გაასამართლა.
© პროსოპოგრაფიულ მონაცემთა ბაზა, ლინგვისტურ კვლევათა ინსტიტუტი 2018 -